షాకింగ్ సర్వే : ఒక్క వ్యక్తి 406 మందికి కరోనా అంటిస్తాడట

కరోనా వైరస్ సంక్రమణ వ్యాప్తిని కట్టడి చేయడానికి సామాజిక దూరం మరియు మాస్కుల వాడకం తప్పనిసరి చర్యలు అని ప్రభుత్వం సోమవారం తెలిపింది. ఒక ప్రెస్ మీట్ ప్రసంగించిన ఆరోగ్య, కుటుంబ సంక్షేమ మంత్రిత్వ శాఖ జాయింట్ సెక్రటరీ లావ్ అగర్వాల్ ఈ విషయాన్ని వివరించడానికి కొన్ని సర్వేలను ఉదహరించారు. COVID-19 పాజిటివ్ వచ్చిన వ్యక్తి సామాజిక దూర చర్యలను పాటించకపోతే, 30 రోజుల్లో ఆ వ్యక్తి ద్వారా 406 మందికి సోకుతుందని అనేక విశ్వవిద్యాలయాలు పరిశోధనలో తేలిందని ఆయన అన్నారు.

కరోనా-యువత
కరోనా-యువత

“కరోనా సోకిన వ్యక్తి బయటకు రాకుండా ఉండి 50 శాతం సోషల్ డిస్టెన్స్ పాటిస్తే, 406 కు బదులుగా 15 మందికి వ్యాధి సోకినట్లు కనుగొనబడింది. సోకిన వ్యక్తి 75 శాతం ఫిజికల్ డిస్టెన్స్ పాటిస్తే ఆ వ్యక్తి వలన కేవలం 2.5 మందికి కరోనా సోకవచ్చు అని “అగర్వాల్ చెప్పారు. ఇప్పుడున్న పరిస్థితుల్లో ఒక వైపు క్లినికల్ మేనేజ్‌మెంట్‌పై దృష్టి పెట్టడం అవసరమే అని, మరోవైపు కోవిడ్ -19 ను నియంత్రించడంపై దృష్టి పెట్టాలి అని ఆయన స్పష్టం చేశారు.