విశ్వక్ సేన్ హీరోగా రూపొందిన ఓరి దేవుడా చిత్రంతో మిథిలా పాల్కర్ టాలీవుడ్ ఎంట్రీ ఇవ్వనుంది. కోలీవుడ్ సూపర్ హిట్ మూవీ ఓ మై కడవులే కి రీమేక్గా వస్తున్న ఈ చిత్రంలో వెంకటేశ్ కీలక పాత్రలో కనిపించనున్నారు. వెంకీ పాత్రను పరిచయం చేస్తూ చిత్రబృందం ప్రత్యేక గ్లింప్స్ను కూడా తాజాగా విడుదల చేసింది. అక్టోబర్ 21న ఈ చిత్రం ప్రేక్షకుల ముందుకు రానుంది. ఈ సందర్భంగా మిథిలా పాల్కర్ గురించి తెలుసుకుందాం..
మురంబ అనే మరాఠీ చిత్రంతో పాపులారిటీ తెచ్చుకున్న మిథిలా పాల్కర్ ఇప్పుడు టాలీవుడ్లోకి ఎంట్రీ ఇస్తోంది.1993 జనవరి 12న ముంబయిలో జన్మించింది.బాంద్రాలోని ఎమ్ఎమ్కే కాలేజీలో బ్యాచిలర్ ఆఫ్ మాస్ మీడియాలో గ్రాడ్యుయేషన్ పూర్తి చేసింది.
మజా హనీమూన్(2014) అనే షార్ట్ ఫిల్మ్లో తొలిసారి నటించింది. 16వ ముంబయి ఇంటర్నేషనల్ ఫిల్మ్ ఫెస్టివల్లో ఈ షార్ట్ ఫిల్మ్ను ప్రదర్శించారు. అనంతరం కట్టి బట్టీలో ఇమ్రాన్ ఖాన్ సోదరి పాత్రలో నటించంది. ఈ చిత్రం పెద్దగా ఆడకపోయినా మిథిలా నటనకు మంచి మార్కులు పడ్డాయి. మ్యాగీ, టాటా టీ, జొమాటో ప్రకటనల్లో మెరిసింది.
2017లో విడుదలైన మురంబతో మంచి విజయాన్ని అందుకుంది. ఇందులో నటనకుగాను ఉత్తమ పరిచయ నాయిక(మరాఠీ)గా ఫిల్మ్ఫేర్ అవార్డును అందుకుంది. ఎ బేబీ సిట్టర్స్ గైడ్ టూ మాన్స్టర్ హంటింగ్ అనే ఇంగ్లీష్ చిత్రంలో అతిథి పాత్రలో కనిపించింది.
గర్ల్ ఇన్ ది సిటీ, లిటిల్ థింగ్స్, అఫీషియల్ చుక్యగిరి వంటి వెబ్సిరీస్లోనూ నటించింది. మిథిలా పాల్కర్కు ఇన్స్టాలో 3.6 మిలియన్ ఫాలోవర్స్ ఉన్నారు.
