సికింద్రాబాద్ మార్కెట్ పీఎస్ పరిధిలో చందు జైన్ జ్యూవెలరీ షాపులో భారీ చోరీ జరిగింది. 21.30 లక్షల విలువ చేసే 1219 గ్రాముల బంగారం, 302 గ్రాములు వెండి ఎత్తుకు వెళ్లారు దుండగులు. ఈ రోజు తెల్లవారు జామున 3.10 గంటలకు ఘటన జరిగింది. దుకాణం వెంటిలేటర్ తొలగించి దుండగుడు లోపలికి ప్రవేశించినట్టు గుర్తించారు.
యజమాని ఫిర్యాదుతో దర్యాప్తు చేస్తున్న పోలీసులు గంటల వ్యవధిలోనే చోరీ కేసుని చేధించారు షాపు యజమాని డ్రైవర్, అలాగే అతని స్నేహితులు ఈ దొంగతనం చేసినట్లు నిర్ధారించారు. చోరీ చేసిన ఆభరణాలను స్వాధీనం చేసుకున్న పోలీసులు నిందితులను కూడా అరెస్టు చేశారు. రోజూ చూస్తున్న షాప్ కావడంతో ఎలా చోరీ చేయాలి, ఏ సమయంలో చోరీ చేస్తే ఇబ్బంది ఉండదు లాంటి అనేక విషయాలను డ్రైవర్ తన స్నేహితులతో చెప్పి ఈ ప్లాన్ చేసినట్టు గుర్తించారు.
