కరోనా కలకలం రేపుతోంది. కేంద్రహోం శాఖ మంత్రి అమిత్ షాతో మొదలుకొని, తమిళనాడు గవర్నర్‌కి, ఏపీ డిప్యూటీ స్పీకర్‌కి కరోనా సోకింది.
ఏపీ డిప్యూటీ స్పీకర్ మరియు బాపట్ల ఎమ్మెల్యే అయిన కోన రఘుపతికి కరోనా పాజిటివ్ అని నిర్ధారణ అయింది. స్వల్పంగా జ్వరంతో బాధపడుతున్న ఆయనకు కరోనా పరీక్షలు నిర్వహించగా కరోనా పాజిటివ్ అని వచ్చింది. రఘుపతితో పాటు అతని భార్య, కుమార్తె కూడా కరోనా బారిన పడ్డారు. ఈ విషయాన్ని ఆయన స్వయంగా వెల్లడించారు. అయితే వైద్యుల సూచనల మేరకు వారం రోజులు హోం క్వారంటైన్ ఉండాలని నిర్ణయించుకున్నట్టు ఆయన తెలిపారు.
అలాగే తమిళనాడు గవర్నర్ భన్వరీలాల్ పురోహిత్‌కు కరోనా పాజిటివ్ అని నిర్ధారణ అయింది. దీంతో ఆయన చెన్నైలోని కావేరి అనే ప్రైవేటు ఆస్పత్రిలో చేరారు. అయితే గవర్నర్‌కు ఇన్‌ఫెక్షన్ తక్కువ స్థాయిలోనే ఉందని, ఆస్పత్రికి చెందిన వైద్యుల బృందం ఎప్పటికప్పుడు ఆయన ఆరోగ్యం గురించి పరిశీలిస్తుందని ఆస్పత్రి యాజమాన్యం తెలిపింది. ఈ మేరకు గవర్నర్ ఆరోగ్యంపై కావేరి ఆస్పత్రి యాజమాన్యం హెల్త్ బులెటిన్ విడుదల చేసింది.
Tamil Nadu Governor Banwarilal Purohit (in file pic) tests positive for #COVID19. He is asymptomatic and clinically stable. As the infection is mild, he has been advised home isolation & will be monitored by the medical team of Kauvery Hospital: Kauvery Hospital, Chennai pic.twitter.com/iWBz20Lcjm
— ANI (@ANI) August 2, 2020
ఇకపోతే కేంద్ర హోంమంత్రి అమిత్ షా కూడాఆ కరోనా బారిన పడ్డారు. ఈ విషయాన్ని ఆయనే స్వయంగా ట్విట్టర్ వేదికగా వెల్లడించారు. ‘కరోనా వైరస్ లక్షణాలు కనిపించడంతో నేను టెస్టులు చేయించుకున్నా. అందులో రిపోర్టు పాజిటివ్ వచ్చింది. నా ఆరోగ్యం బాగానే ఉంది. కానీ, వైద్యుల సలహా మేరకు ఆస్పత్రిలో చేరుతున్నా. కొన్ని రోజులుగా నాతో కలిసిన వారు మీరు కూడా టెస్టులు చేయించుకోండి. ఐసోలేషన్‌లో ఉండండి’ అని అమిత్ షా ట్వీట్ చేశారు.
कोरोना के शुरूआती लक्षण दिखने पर मैंने टेस्ट करवाया और रिपोर्ट पॉजिटिव आई है। मेरी तबीयत ठीक है परन्तु डॉक्टर्स की सलाह पर अस्पताल में भर्ती हो रहा हूँ। मेरा अनुरोध है कि आप में से जो भी लोग गत कुछ दिनों में मेरे संपर्क में आयें हैं, कृपया स्वयं को आइसोलेट कर अपनी जाँच करवाएं।
— Amit Shah (@AmitShah) August 2, 2020
