కాంగ్రెస్ అగ్రనేత రాహుల్ గాంధీ చేపట్టిన భారత్ జోడో యాత్ర 56వ రోజుకు చేరుకుంది. ప్రస్తుతం హైదరాబాద్ మహానగరంలో ఈ యాత్ర కొనసాగుతోంది. తెలంగాణలో 8వ రోజు కొనసాగుతున్న యాత్ర బాలానగర్ నుంచి ప్రారంభమైంది. కూకట్పల్లి నుంచి కేపీహెచ్బీ జంక్షన్ వైపునకు సాగుతోంది. నిన్న రాత్రి బోయిన్‌పల్లిలోని గాంధీయన్ భావజాల కేంద్రంలో బస చేసిన రాహుల్.. నేడు బాలానగర్ నుంచి జోడో యాత్ర కొనసాగిస్తున్నారు.
హబీబ్ నగర్, ముసాపేట్, ఐడీఎల్ జంక్షన్, కూకట్ పల్లి, హఫీజ్ పేట్ మీదుగా ఈ యాత్ర సాగుతోంది. ఇవాళ ఉదయం 10 గంటలకు మియాపూర్ హోటల్ కినారా గ్రాండ్ వద్ద మార్నింగ్ బ్రేక్ తీసుకోనున్నారు. సాయంత్రం 4 గంటలకు బీహెచ్ఈఎల్ బస్ స్టాండ్ నుంచి తిరిగి యాత్ర ప్రారంభం అవుతుంది. రామచంద్రాపురం, పటాన్చెరు వరకు పాదయాత్ర సాగనుంది. సాయంత్రం 7 గంటలకు ముత్తంగి వద్ద భారత్ జోడో యాత్ర కార్నర్ మీటింగ్ నిర్వహించనున్నారు. అనంతరం సంగారెడ్డి జిల్లా రుద్రారం గణేశ్ మందిర్లో రాహుల్ గాంధీ రాత్రి బస చేయనున్నారు.
