బుల్లితెర ఈటీవీ ఛానల్లో ప్రసారమవుతున్న కామెడీ షోలలో జబర్దస్త్ ప్రత్యేకమైన స్థానాన్ని సంపాదించుకుంది. ఇందులో గతంలో అనసూయ యాంకర్ గా వ్యవహరించేది. కానీ ఇటీవల ఆమె జబర్దస్త్ కి గుడ్ బై చెప్పడంతో ఆస్థానంలో రష్మీ చేరిపోయింది. ప్రస్తుతం రష్మీ కూడా తప్పుకోవడంతో ఆ స్థానాన్ని భర్తీ చేస్తూ సౌమ్యరావు అనే ఒక కొత్త యాంకర్ ను మల్లెమాల యూనిట్ తీసుకొచ్చారు. అయితే తాజాగా సౌమ్యరావు అనే ఒక కొత్త యాంకర్ ను తీసుకురావడంతో రష్మీ గౌతమ్ స్పందించింది. నిజానికి జబర్దస్త్ నుంచి అనసూయ తప్పుకోవడంతో ఎక్స్ట్రా జబర్దస్త్, జబర్దస్త్ వంటి రెండు షోలకి కూడా రష్మీ యాంకర్ గా చేస్తూ వస్తోంది . ఈ క్రమంలోనే సడన్గా షో లో సౌమ్యరావు కనిపించడంతో రష్మీ నీ తీసేసారని ,ఈ కామెడీ షో నుంచి రష్మీ అవుట్ అంటూ రకరకాల పుకార్లు వైరల్ అయ్యాయి. అంతేకాదు ఈ విషయంపై రష్మీ గౌతమ్ చాలా సీరియస్ గా ఉందని వార్తలు కూడా వినిపించాయి.
అయితే ఎట్టకేలకు ఈ విషయంపై తాజాగా రష్మీ గౌతమ్ స్పందించింది. ఆమె నటించిన “బొమ్మ బ్లాక్ బాస్టర్” చిత్రం రీసెంట్గా విడుదలైన విషయం తెలిసిందే. ఈ సినిమా ప్రమోషన్స్ లో భాగంగా రష్మీకి ఈ విషయంపై ప్రశ్న ఎదురవగా.. రష్మీ మాట్లాడుతూ..” సౌమ్యరావు పై నాకు ఎలాంటి నెగటివ్ ఒపీనియన్ లేదు. తను రావడాన్ని నేను స్వాగతిస్తున్నాను . ఆమె వస్తుందని మల్లెమాల వారు ముందుగానే నాకు చెప్పారు.. అనసూయ జబర్దస్త్ నుంచి వెళ్లిపోవడంతో కొద్దిరోజుల వరకు మాత్రమే నన్ను జబర్దస్త్ షో చేయమని చెప్పారు. ఆ తర్వాత వేరే యాంకర్ వస్తుందని ముందుగానే వారు నాకు చెప్పారు.. మల్లెమాల సంస్థ నాకు హోమ్ ప్రొడక్షన్ లాంటిది.. నన్నెవరూ తీసేయలేదు..” అని చెప్పింది.
అంతేకాదు ” ఒకవేళ సౌమ్యరావు వేరే షోల వల్ల బిజీగా ఉండి .. జబర్దస్త్ షోలు స్కిప్ చేసినా లేదా క్విట్ చేసినా సరే మళ్లీ వెళ్తానని.. హ్యాపీగా షో చేసుకుంటానని రష్మీ తెలిపింది. మొత్తానికైతే ఎటువంటి స్వార్థం లేని తన గొప్ప మనసును మరొకసారి చాటుకుంది రష్మీ అంటూ అభిమానులు ఆమెపై ప్రశంసల వర్షం కురిపిస్తున్నారు.
