నేషనల్ క్రష్ రష్మిక మందన్న పాపులారిటీ గురించి చెప్పనక్కర్లేదు. దేశవ్యాప్తంగా ఈ భామకు సూపర్ క్రేజ్ ఉంది. అందుకే ఈ బ్యూటీకి అవకాశాలు కూడా ఎక్కువే. తాజాగా ఈ భామకు ఐపీఎల్ ఆరంభ వేడుకల్లో పర్ఫామెన్స్ చేసే అవకాశమొచ్చింది. శుక్రవారం రోజున అహ్మదాబాద్ నరేంద్ర మోదీ స్టేడియంలో జరిగిన ఐపీఎల్ సీజన్ 16 ఆరంభ వేడుకల్లో రష్మిక తన డ్యాన్స్తో అదరగొట్టింది.
‘పుష్ప’లోని ‘సామి’, ‘శ్రీవల్లి’ హిందీ పాటకు, ఇటీవల ఆస్కార్‌ పురస్కారం పొందిన ‘ఆర్‌ఆర్‌ఆర్‌’లోని ‘నాటు నాటు’ పాటకు రష్మిక మందన్న ఉత్సాహంగా స్టెప్పులు వేసింది. ఈ బ్యూటీ డ్యాన్స్ వీడియోలు ఇప్పుుడ సోషల్ మీడియాలో వైరల్ అవుతున్నాయి. రష్మిక మరోసారి అదరగొట్టింది అంటూ నెటిజన్లు కామెంట్స్ చేస్తున్నారు. మళ్లీ మా మనసు దోచేసిందంటూ హార్ట్ ఎమోజీలతో ప్రేమను కురిపిస్తున్నారు.
అయితే రష్మిక ఐపీఎల్లో తన పర్ఫామెన్స్ గురించి ఓ ట్వీట్ చేసింది. తాను ఐపీఎల్ ఆరంభ వేడుకల్లో వారిసు సినిమాలోని ఓ పాటకు డ్యాన్స్ చేద్దామని అనుకున్నానని.. కానీ సమయం లేకపోవడం వల్ల చేయలేకపోయానని చెప్పింది. అయితే తన అభిమానుల కోసం ఆ పాటపై డ్యాన్స్ చేసి వీడియోను ట్విటర్లో పోస్టు చేసింది. ప్రస్తుతం ఈ వీడియో వైరల్ అవుతోంది
Doneee with the performanceeee at @IPL and what a blasttt it was 🌸
I wanted to perform on this as well today but I couldn’t so here’s a lil gift for all of you who have been asking for it…🤍
P.S. My entire IPL journey coming out sooooon 😉#ThalapathyVijay Sir @SVC_official pic.twitter.com/c0SZ8Z9moG— Rashmika Mandanna (@iamRashmika) March 31, 2023
