తమిళ నటుడు విష్ణు విశాల్ తాజాగా నటించిన సినిమా ఎఫ్ఐఆర్. ఈ సినిమాకు మను ఆనంద్ దర్శకత్వం వహించాడు. ఈ సినిమాను తమిళ్ తో పాటు తెలుగులోనూ ఒకేరోజు థియేటర్ లలో విడుదల చేయబోతున్నారు. ఈ సినిమాను ఫిబ్రవరి 11 వ తేదీన విడుదల చేయబోతున్నారు. ఈ సినిమా విడుదల తేదీ దగ్గర పడటంతో అందులో భాగంగా తాజాగా ఈ చిత్ర బృందం ఫ్రీ రిలీజ్ ఫంక్షన్ ను ఏర్పాటు చేసింది.
ఈ ఫ్రీ రిలీజ్ ఈవెంట్‌కు సిద్దు జొన్నలగడ్డ, సందీప్ కిషన్, రవితేజ ముఖ్య అతిథులుగా విచ్చేశారు. ఈ సందర్భంగా మాస్ మహారాజా రవితేజ మాట్లాడుతూ.. ఈ సినిమాను ఆరు నెలల క్రితమే నేను చూశాను. నాకు ఈ సినిమా చాలా బాగా నచ్చింది. ఇది చాలా డిఫరెంట్ కంటెంట్ సినిమా. ఇలాంటి సినిమా నాకు కూడా చేయాలని ఉంది. విష్ణు విశాల్ కు ఆల్ ది బెస్ట్ అని రవితేజ తెలియజేశాడు. ఇది ఇలా ఉంటే ఈ సినిమాలో విష్ణు విశాల్ సరసన మంజిమా మోహన్ హీరోయిన్ గా నటించింది.
విష్ణు విశాల్ స్టూడియోస్ బ్యానర్ పై విష్ణు విశాల్ స్వయంగా ఈ సినిమాను నిర్మించాడు. మాస్ మహారాజా రవితేజ స‌గ‌ర్వ స‌మ‌ర్పణ‌లో అభిషేక్ పిక్చర్స్ అధినేత అభిషేక్ నామా ఈ మూవీని తెలుగులో విడుదల చేయబోతున్నారు. ఇప్పటికే ఈ సినిమా నుండి విడుదల చేసిన ప్రచార చిత్రాలకు ప్రేక్షకుల నుండి మంచి రెస్పాన్స్ దక్కుతుంది. ఇలా ప్రేక్షకుల్లో మంచి అంచనాలు కలిగివున్న ఈ సినిమా బాక్స్ ఆఫీస్ దగ్గర ఎలాంటి విజయం సాధిస్తుందో తెలియాలి అంటే ఈ సినిమా విడుదల తేదీ వరకు వేచి చూడాల్సిందే.
