ప్రస్తుతం ఎక్కడ చూసినా తెలుగు సినీ ఇండస్ట్రీలో ఎక్కువగా రీ రిలీజ్ సినిమాల హవా కొనసాగుతోంది. ఈ నేపథ్యంలోనే మహేష్ బాబు నటించిన ఒక్కడు సినిమా కూడా రీ రిలీజ్ అయింది.. మహేష్ బాబు హీరోగా.. భూమిక హీరోయిన్ గా.. ప్రకాష్ రాజ్ విలన్ పాత్రలో నటించి మెప్పించిన చిత్రం ఒక్కడు. ప్రేక్షకులను ఏ రేంజ్ లో మెప్పించిందో ప్రతి ఒక్కరికి తెలుసు. ఈ క్రమంలోనే సూపర్ స్టార్ మహేష్ బాబు పుట్టినరోజు సందర్భంగా మళ్లీ విడుదలైన పోకిరి సినిమా నుంచీ ఈ రీ రిలీజ్ హవా కొనసాగుతున్న నేపథ్యంలో మహేష్ బాబు నటించిన ఒక్కడు సినిమాను కూడా రిలీజ్ చేశారు మేకర్స్.
గుణశేఖర్ దర్శకత్వంలో వచ్చిన ఈ సినిమా జనవరి 7వ తేదీన దాదాపు 20 సంవత్సరాల తర్వాత రిలీజ్ చేశారు. అయితే ఇప్పటికీ కూడా ఈ సినిమా క్రేజ్ తగ్గలేదని మరొకసారి నిరూపించుకుంది. ఇప్పుడు రీ రిలీజ్ లో కూడా రికార్డులు క్రియేట్ చేసింది ఈ సినిమా. నైజాం – రూ.1.40 కోట్లు, సీడెడ్ – రూ.0.36 కోట్లు, రెండు తెలుగు రాష్ట్రాలలో రూ.2.95 కోట్లు, రెస్ట్ ఆఫ్ ఇండియా రూ.0.22 కోట్లు అలాగే ప్రపంచవ్యాప్తంగా రూ. 3.17 కోట్ల షేర్ రాబట్టింది. అంటే కేవలం మూడు రోజుల్లోనే ఇంత వసూలు చేసింది అలాగే ఈ సినిమా ప్రమోషన్స్ కూడా జరగలేదు. ఓవర్సీస్ లో కూడా రిలీజ్ కాలేదు ఒకవేళ అక్కడ కూడా రిలీజ్ అయ్యి ఉంటే కచ్చితంగా డబుల్ కలెక్షన్స్ సాధించేది ఈ సినిమా.
మొత్తానికి అయితే రీ రిలీజ్ లో కూడా ఒక్కడు సినిమా తను స్ట్రాటజీ చూపించింది. ప్రస్తుతం మహేష్ బాబు, త్రివిక్రమ్ శ్రీనివాస్ దర్శకత్వంలో ఒక సినిమా చేస్తున్నారు. దీని తర్వాత రాజమౌళి సినిమాలో నటించబోతున్న విషయం తెలిసిందే.
