రియ‌ల్‌మి ఎక్స్3 ఫోన్లు అదుర్స్‌.. ధ‌ర ఎంతంటే..?

మొబైల్స్ త‌యారీదారు రియ‌ల్‌మి భార‌త్‌లో ఎక్స్3, ఎక్స్‌3 సూప‌ర్ జూమ్ పేరిట రెండు నూత‌న ఫ్లాగ్‌షిప్ స్మార్ట్‌ఫోన్ల‌ను గురువారం విడుద‌ల చేసింది. వీటిల్లో 6.6 ఇంచుల ఫుల్ హెచ్‌డీ ప్ల‌స్ ఎల్‌సీడీ డిస్‌ప్లేను ఏర్పాటు చేశారు. ఈ డిస్‌ప్లేలు 120 హెడ్జ్ రిఫ్రెష్ రేట్‌ను క‌లిగి ఉంటాయి. వీటిల్లో అధునాత‌న స్నాప్‌డ్రాగ‌న్ 855 ప్ల‌స్ ప్రాసెస‌ర్‌, 12 జీబీ ప‌వ‌ర్‌ఫుల్ ర్యామ్‌ల‌ను అందిస్తున్నారు. కూలింగ్ కోసం ప్ర‌త్యేకంగా లిక్విడ్ కూలింగ్ టెక్నాల‌జీని ఈ ఫోన్ల‌లో ఏర్పాటు చేశారు. ఇవి ఆండ్రాయిడ్ 10 ఓఎస్ ఆధారంగా ప‌నిచేస్తాయి.

వెనుక భాగంలో 64 మెగాపిక్స‌ల్ మెయిన్‌కెమెరా, 8 మెగాపిక్స‌ల్ అల్ట్రా వైడ్ యాంగిల్ లెన్స్‌, 2 మెగాపిక్స‌ల్ మాక్రో సెన్సార్‌ల‌ను ఏర్పాటు చేశారు. ఇక ఎక్స్‌3 సూప‌ర్‌జూమ్ ఫోన్‌లో వెనుక భాగంలో 8 మెగాపిక్స‌ల్ పెరిస్కోప్ లెన్స్‌ను ఏర్పాటు చేశారు. ఈ సెన్సార్ 5ఎక్స్ ఆప్టిక‌ల్ జూమ్‌ను ఇస్తుంది. ఇక ఎక్స్‌3లో 12 మెగాపిక్స‌ల్ టెలిఫొటో లెన్స్‌ను ఏర్పాటు చేశారు.

ఎక్స్‌3 సూప‌ర్ జూమ్ ఫోన్ ముందు భాగంలో 32 మెగాపిక్స‌ల్ మెయిన్ కెమెరా, 8 మెగాపిక్స‌ల్ అల్ట్రా వైడ్ సెన్సార్ పంచ్ హోల్ కెమెరాల‌ను ఏర్పాటు చేయ‌గా, ఎక్స్‌3 ఫోన్ ముందు భాగంలో 16 మెగాపిక్స‌ల్ మెయిన్ కెమెరా, 8 మెగాపిక్స‌ల్ అల్ట్రావైడ్ సెన్సార్ కెమెరాల‌ను ఏర్పాటు చేశారు. వీటిల్లో 4200 ఎంఏహెచ్ బ్యాట‌రీని అందిస్తున్నారు. ఇవి 30 వాట్ల డార్ట్ ఛార్జ్ ఫాస్ట్ చార్జింగ్ ఫీచ‌ర్‌ను క‌లిగి ఉన్నాయి. దీని వ‌ల్ల 0 నుంచి 100 శాతం చార్జింగ్ అయ్యేందుకు ఇవి కేవ‌లం 55 నిమిషాల స‌మ‌యం మాత్ర‌మే తీసుకుంటాయి.

రియ‌ల్‌మి ఎక్స్‌3, ఎక్స్‌3 సూప‌ర్ జూమ్ స్పెసిఫికేష‌న్లు…

* 6.6 ఇంచుల ఫుల్ హెచ్‌డీ ప్ల‌స్ ఎల్‌సీడీ డిస్‌ప్లే, 120 హెడ్జ్ రిఫ్రెష్ రేట్
* గొరిల్లా గ్లాస్ 5 ప్రొటెక్ష‌న్‌, 2400 × 1080 పిక్స‌ల్స్ స్క్రీన్ రిజ‌ల్యూష‌న్
* ఆక్టాకోర్ స్నాప్‌డ్రాగ‌న్ 855 ప్ల‌స్ ప్రాసెస‌ర్‌
* ఎక్స్‌3 – 6/8 జీబీ ర్యామ్‌, 128 జీబీ స్టోరేజ్
* ఎక్స్‌3 సూప‌ర్ జూమ్ – 8/12 జీబీ ర్యామ్‌, 128/256 జీబీ స్టోరేజ్
* డ్యుయ‌ల్ సిమ్‌, ఆండ్రాయిడ్ 10
* ఎక్స్‌3 – 64, 8, 12, 2 మెగాపిక్స‌ల్ బ్యాక్ కెమెరాలు
* ఎక్స్‌3 సూప‌ర్ జూమ్ – 64, 8, 8, 2 మెగాపిక్స‌ల్ బ్యాక్ కెమెరాలు
* ఎక్స్‌3 – 16, 8 మెగాపిక్స‌ల్ ఫ్రంట్ కెమెరాలు
* ఎక్స్‌3 సూప‌ర్ జూమ్ – 32, 8 మెగాపిక్స‌ల్ ఫ్రంట్ కెమెరాలు
* సైడ్ మౌంటెడ్ ఫింగ‌ర్ ప్రింట్ సెన్సార్
* యూఎస్‌బీ టైప్ సి, డాల్బీ అట్మోస్
* డ్యుయ‌ల్ 4జీ వీవోఎల్‌టీఈ, డ్యుయ‌ల్ బ్యాండ్ వైఫై
* బ్లూటూత్ 5.0, 4200 ఎంఏహెచ్ బ్యాట‌రీ, 30 వాట్ల డార్ట్ చార్జ్ ఫాస్ట్ చార్జింగ్

రియ‌ల్‌మి ఎక్స్‌3, ఎక్స్‌3 సూప‌ర్ జూమ్ ఫోన్లు గ్లేసియ‌ర్ బ్లూ, ఆర్కిటిక్ వైట్ క‌ల‌ర్ ఆప్ష‌న్ల‌లో విడుద‌ల‌య్యాయి. వీటి ధ‌ర‌లు ఇలా ఉన్నాయి.

* రియ‌ల్‌మి ఎక్స్‌3 (6జీబీ ర్యామ్‌, 128జీబీ స్టోరేజ్‌) ధ‌ర రూ.24,999
* రియ‌ల్‌మి ఎక్స్‌3 (8జీబీ ర్యామ్‌, 128జీబీ స్టోరేజ్‌) ధ‌ర రూ.25,999
* రియ‌ల్‌మి ఎక్స్‌3 సూప‌ర్ జూమ్ (8జీబీ ర్యామ్‌, 128జీబీ స్టోరేజ్‌) ధ‌ర రూ.27,999
* రియ‌ల్‌మి ఎక్స్‌3 సూప‌ర్ జూమ్ (12జీబీ ర్యామ్‌, 256జీబీ స్టోరేజ్‌) ధ‌ర రూ.32,999

ఈ ఫోన్ల‌ను జూన్ 30వ తేదీ నుంచి ఫ్లిప్‌కార్ట్‌, రియ‌ల్‌మి ఆన్‌లైన్ స్టోర్‌ల‌లో విక్ర‌యించ‌నున్నారు. ఇందుకు గాను ప్రీ బుకింగ్‌లు ఆయా సైట్ల‌లో ఇప్ప‌టికే ప్రారంభం అయ్యాయి. ఇక హెచ్‌డీఎఫ్‌సీ కార్డులు ఉన్న‌వారు ఈ ఫోన్ల‌పై 10 శాతం ఇన్‌స్టంట్ డిస్కౌంట్ పొంద‌వ‌చ్చు.