చైనాకు చెందిన మొబైల్స్ తయారీదారు షియోమీ రెడ్‌మీ సిరీస్‌లో మరో నూత‌న స్మార్ట్‌ఫోన్‌ను భార‌త్‌లో గురువారం విడుద‌ల చేసింది. రెడ్‌మీ 9 ప‌వ‌ర్ పేరిట ఓ కొత్త స్మార్ట్ ఫోన్ అందుబాటులోకి వ‌చ్చింది. ఇందులో 6.53 ఇంచుల ఫుల్ హెచ్‌డీ ప్ల‌స్ రిజ‌ల్యూష‌న్ క‌లిగిన ఎల్‌సీడీ డాట్ డ్రాప్ డిస్‌ప్లేను ఏర్పాటు చేశారు. ఇందులో స్నాప్‌డ్రాగ‌న్ 662 ప్రాసెసర్ ను అమ‌ర్చారు. వెనుక వైపు 48 మెగాపిక్స‌ల్ మెయిన్ కెమెరాకు తోడుగా మరో 8 మెగాపిక్స‌ల్ అల్ట్రావైడ్ సెన్సార్, 2 మెగాపిక్స‌ల్ మాక్రో సెన్సార్, 2 మెగాపిక్స‌ల్ డెప్త్ సెన్సార్‌ల‌ను అమ‌ర్చారు. ముందు భాగంలో 8 మెగాపిక్స‌ల్ సెన్సార్ ఉంది.
ఈ ఫోన్‌లో ఫింగ‌ర్ ప్రింట్ సెన్సార్ ప‌క్క వైపు ఉంటుంది. 6000 ఎంఏహెచ్ భారీ కెపాసిటీ ఉన్న బ్యాట‌రీని ఇందులో ఏర్పాటు చేశారు. దీనికి 22.5 వాట్ల ఫాస్ట్ చార్జింగ్‌ను అందిస్తున్నారు.
రెడ్‌మీ 9 ప‌వ‌ర్ ఫీచ‌ర్లు…
* 6.53 ఇంచ్ ఫుల్ హెచ్‌డీ ప్ల‌స్ ఎల్‌సీడీ డిస్‌ప్లే, 2340 × 1080 పిక్స‌ల్స్ స్క్రీన్ రిజ‌ల్యూష‌న్
* గొరిల్లా గ్లాస్ ప్రొటెక్ష‌న్‌, స్నాప్‌డ్రాగ‌న్ 662 ప్రాసెసర్, 4జీబీ ర్యామ్‌, 64/128 జీబీ స్టోరేజ్
* 512 జీబీ ఎక్స్‌పాండ‌బుల్ స్టోరేజ్, డ్యుయ‌ల్ సిమ్‌, ఆండ్రాయిడ్ 10
* 48, 8, 2, 2 మెగాపిక్స‌ల్ బ్యాక్ కెమెరాలు, 8 మెగాపిక్స‌ల్ సెల్ఫీ కెమెరా
* సైడ్ మౌంటెడ్ ఫింగ‌ర్ ప్రింట్ సెన్సార్, ఐఆర్ సెన్సార్
* డ్యుయ‌ల్ 4జి వీవోఎల్‌టీఈ, డ్యుయ‌ల్ బ్యాండ్ వైఫై, బ్లూటూత్ 5.0
* యూఎస్‌బీ టైప్ సి, 6000 ఎంఏహెచ్ బ్యాట‌రీ, ఫాస్ట్ చార్జింగ్
రెడ్‌మీ 9 ప‌వ‌ర్ స్మార్ట్ ఫోన్ మైటీ బ్లాక్‌, ఫియ‌రీ రెడ్‌, ఎల‌క్ట్రిక్ గ్రీన్, బ్లేజింగ్ బ్లూ క‌ల‌ర్ ఆప్ష‌న్ల‌లో విడుద‌లైంది. ఈ ఫోన్ కు చెందిన 64జీబీ స్టోరేజ్ మోడ‌ల్ ధ‌ర రూ.10,999 ఉండ‌గా, 128 జీబీ మోడ‌ల్ ధ‌ర రూ.11,999గా ఉంది. డిసెంబ‌ర్ 22 నుంచి ఈ ఫోన్‌ను విక్ర‌యిస్తారు.
