క‌రోనా భ‌యం వీడ‌క‌ముందే.. బ్రెజిల్‌లో మ‌రో కొత్త వైర‌స్‌ను క‌నుగొన్న సైంటిస్టులు..

204

ప్ర‌పంచ వ్యాప్తంగా అనేక దేశాల్లో ఇప్ప‌టికీ ఇంకా క‌రోనా (కోవిడ్‌-19) వైర‌స్ ప్ర‌భావం త‌గ్గ‌నేలేదు. చైనాలో నిత్యం వంద‌ల సంఖ్య‌లో ఈ వైర‌స్ కార‌ణంగా మ‌ర‌ణిస్తున్నారు. ఎన్నో వేల మందికి ఇప్ప‌టికే ఈ వైర‌స్ సోక‌గా వారు హాస్పిట‌ళ్ల‌లో చికిత్స తీసుకుంటున్నారు. అయితే క‌రోనా భ‌యం ఇంకా మ‌న‌ల్ని వ‌ద‌ల‌క ముందే బ్రెజిల్‌లో సైంటిస్టులు మ‌రో కొత్త వైర‌స్‌ను క‌నుగొన్నారు.

scientists in Brazil found a new virus named it yara virus

బ్రెజిల్‌లోని పంపుల్హా అనే స‌ర‌స్సులో బెర్నార్డ్ లా స్కోలా, జోనాట‌స్ ఎస్‌.అబ్ర‌హావో అనే ఇద్ద‌రు వైరాల‌జీ సైంటిస్టులు ఓ నూత‌న వైర‌స్‌ను క‌నుగొన్నారు. దానికి యారా వైర‌స్ (Yara Virus) అని నామ‌క‌ర‌ణం చేశారు. యారా అంటే బ్రెజిల్ నీటి దేవ‌త అని అర్థం వ‌స్తుంది. అయితే ఈ కొత్త వైర‌స్ క‌రోనా మాదిరిగా ప్ర‌మాద‌క‌ర‌మా, కాదా, అది ఎలా వ్యాప్తి చెందుతుంది.. అనే వివ‌రాలు ఇంకా తెలియ‌లేదు. స‌ద‌రు సైంటిస్టులు మ‌రిన్ని ప‌రిశోధ‌న‌లు చేసి ఆ విష‌యాలు తెలుసుకోనున్నారు.

కాగా 2 సంవ‌త్స‌రాల కింద‌ట కూడా ఇలాగే సైంటిస్టులు ఓ కొత్త వైర‌స్‌ను క‌నుగొన‌గా దానికి అప్ప‌ట్లో Tupan అని పేరు పెట్టారు. అయితే ఈ వైర‌స్‌కు యారా వైర‌స్‌కు చాలా ద‌గ్గ‌రి పోలిక‌లు ఉండి ఉంటాయ‌ని సైంటిస్టులు భావిస్తున్నారు. ఇక యారా వైర‌స్ ప్రాణాంత‌క‌మా, కాదా, అది ఎలా పెరుగుతుంది.. అనే విష‌యాలను త్వ‌ర‌లో తెలుసుకుంటామ‌ని స‌ద‌రు సైంటిస్టులు తెలిపారు.