ఓ వ్యక్తి ఇప్పటికే నాలుగు పెళ్లిళ్లు చేసుకున్నారు. అతడికి ఏడుగురు పిల్లలు కూడా ఉన్నారు. అయితే ఆ వ్యక్తి మరో వివాహానికి సిద్ధమయ్యాడు. దీంతో విషయం తెలిసిన అతడి రెండో రెండో భార్య, ఏడుగురు పిల్లలు పెళ్లిని అడ్డుకున్నారు. పెళ్లి కుమారుడిగా ముస్తాబైన అతడిపై దాడికి దిగారు. ఈ ఘటన ఉత్తరప్రదేశ్‌లోని సీతాపూర్ జిల్లాలో చోటు చేసుకుంది. యూపీలోని మొహల్లా పటియాలాకు చెందిన 55 ఏళ్ల ఓ వ్యక్తి రోడ్డు కాంట్రాక్టర్‌గా పని చేస్తుంటాడు.
ఇతడికి గతంలో నాలుగు పెళ్లిళ్లు అయ్యాయి. మొదటి భార్యకు విడాకులు ఇచ్చి రెండో పెళ్లి చేసుకున్నాడు. రెండో భార్యకు ఏడుగు సంతానం. ఆమెకు కూడా విడాకులు ఇచ్చి దూరమయ్యాడు. అనంతరం రహస్యంగా మరో రెండు పెళ్లిళ్లు కూడా చేసుకున్నాడు. ఈ విషయం అతడి కూతురికి తెలిసింది. ఈ క్రమంలో ఆ వ్యక్తి మరో వివాహానికి సిద్ధమయ్యాడు. విషయం తెలిసిన రెండో భార్య, పిల్లలు తమ బంధువులతో వచ్చి పెళ్లిని అడ్డుకున్నారు. అతడిపై దాడికి దిగారు. ఈ మేరకు పోలీసులు ఘటనా స్థలానికి చేసుకుని, ఆ వ్యక్తిని అరెస్ట్ చేశారు.
