బ్లాక్ బస్టర్ డైరెక్టర్ గోపీచంద్ మలినేని.. స్టార్ హీరోయిన్ శ్రుతి హాసన్ మధ్య ఏదో ఉందంటూ కొంతకాలంగా సోషల్ మీడియాలో తెగ చర్చ నడుస్తోంది. గోపీచంద్ కు ఇప్పటికే పెళ్లయింది.. మరోవైపు శ్రుతి కూడా వేరే అబ్బాయితో రిలేషన్ షిప్ లో ఉంది. అయినా కొంతకాలంగా ఈ పుకార్లు సోషల్ మీడియాలో తెగ వైరల్ అవుతున్నాయి. దీనిపై ఎట్టకేలకు డైరెక్టర్ గోపీ చంద్ క్లారిటీ ఇచ్చారు.
హీరోయిన్ శ్రుతిహాసన్ -దర్శకుడు గోపిచంద్ మలినేని కలిసి ఇప్పటివరకు బలుపు, క్రాక్, వీరసింహారెడ్డి ఇలా మూడు హిట్లను అందుకున్నారు. పలు సందర్భాల్లోన్లూ శ్రుతి అంటే తనకు ఎంత అభిమానమో తెలిపారు గోపిచంద్. ఇటీవలే వీరసింహా ప్రీ రిలీజ్ ఈవెంట్లో ఆయన.. శ్రుతికి ఐ లవ్ యూ చెప్పిన సంగతి తెలిసిందే. దానికి ఆమె బదులిస్తూ ఐ లవ్ యూ అన్నయ్య అని చెప్పింది. అయితే దీనికి సంబంధించిన వీడియోలను నెటిజన్లు తెగ ట్రోల్ చేశారు.
తాజాగా దీనిపై గోపిచంద్ ఓ ఇంటర్వ్యూలో స్పందించారు. “శ్రుతితో నాకు మూడో సినిమా. ఆమె అంటే చాలా ఇష్టం. మా కుటుంబంలోని అమ్మాయిలా చూస్తా. నా భార్యతో కూడా ఆమెకు మంచి అనుబంధం ఉంది. మా ఇద్దరిది అన్నా-చెల్లి బంధం. నేను ఓ అన్నయ్యగా ఐ లవ్ యూ చెబితే.. సోషల్మీడియాలో దానికి రివర్స్ చేసి మసాలా యాడ్ చేసి చూపించారు.” అని అన్నారు.
