మెగాస్టార్ న‌టిస్తున్న 154వ చిత్రంలో హీరోయిన్ గా న‌టిస్తున్న శ్రుతి హాస‌న్ ఇవాళ సెట్స్ లో జాయిన్ అయింది. ఇటీవ‌ల క‌రోనా బారిన ప‌డి తిరిగి కోలుకున్న ఆమెను చిరు బొకేతో స్వాగ‌తించారు. బాబీ ద‌ర్శ‌క‌త్వంలో రూపొందుతున్న ఈ సినిమాను మైత్రీ మూవీ మేక‌ర్స్ నిర్మిస్తున్నారు. వాల్తేరు వీర‌య్య అన్న‌ది వ‌ర్కింగ్ టైటిల్. దేవీ శ్రీ ప్ర‌సాద్ సంగీతం అందిస్తున్నారు.
ఇప్ప‌టికే ఈ సినిమాకు సంబంధించి ఫ‌స్ట్ లుక్ ను విడుద‌ల చేశారు. అభిమానులను ఆ పోస్ట‌ర్ ఎంత‌గానో ఆక‌ట్టుకుంది.ఇక తాజాగా శ్రుతి సెట్లో సంద‌డి చేయ‌డం మొద‌లుపెట్ట‌డంతో యూనిట్ అంతా ఆనందం వ్య‌క్తం చేస్తోంది.మ‌హిళా దినోత్స‌వం సంద‌ర్భంగా ఆమెకు చిరుతో స‌హా మిగ‌తా చిత్ర బృందం శుభాకాంక్ష‌లు తెలిపింది.
