స్టార్ హీరోయిన్ శ్రుతి హాసన్ సినిమాల గురించి ఎంత చర్చ నడుస్తుందో.. అంతకు మించి ఆమె పర్సనల్ లైఫ్ గురించి చర్చ నడుస్తుంది. రీసెంట్గా ఆమె తన బాయ్ఫ్రెండ్తో బ్రేకప్ అయ్యిందంటూ సోషల్ మీడియాలో తెగ వార్తలు చక్కర్లు కొడుతున్నాయి. అయితే తాజాగా ఈ బ్యూటీ తన బ్రేకప్ వార్తలకు చెక్ పెట్టింది. తన బాయ్ఫ్రెండ్తో ఉన్న ఫొటో షేర్ చేసి శ్రుతి నెటిజన్లకు షాక్ ఇచ్చింది.
శ్రుతి కొన్నేళ్లుగా శాంతను హజారికతో ప్రేమలో ఉన్న సంగతి తెలిసిందే. అయితే, ఇటీవల కాలంలో ఈ జంట విడిపోయిందనే వార్త నెట్టింట హల్‌చల్‌ చేసింది. ఇలాంటి వార్తలకు చెక్‌పెడుతూ శ్రుతి తన ఇన్‌స్టా స్టోరీలో శాంతనుతో ఉన్న ఫొటోను షేర్ చేసింది. ఎప్పుడూ సోషల్ మీడియాలో యాక్టివ్‌గా ఉండే ఈ స్టార్ హీరోయిన్ ప్రియుడితో ఉన్న ఫొటోను పంచుకుంటూ ‘నేను కోరుకునేది ఇదే’ అనే క్యాప్షన్‌ జోడించింది. దీంతో బ్రేకప్ వార్తలకు చెక్ పడింది.
