టీ20 ప్రపంచకప్, జింబాబ్వే సిరీస్లో విజయాలతో టీమిండియా జోరు మీద ఉంది. రానున్న టోర్నీల్లోనూ మరింత మెరుగ్గా పర్ఫామ్ చేయాలని ప్లేయర్లు ఆసక్తితో ఉన్నారు. ఈ నేపథ్యంలో రానున్న శ్రీలంక టూర్ కోసం తీవ్రంగా ప్రాక్టీస్ చేస్తున్నారు. అక్కడ టీమ్ఇండియా మూడు టీ20లు, మూడు వన్డేలు ఆడనుండగా.. జులై 26 నుంచి టీ20 సిరీస్, ఆగస్టు 1 నుంచి వన్డే సిరీస్ మొదలవ్వనుంది.
అయితే ఈ సిరీస్ కు టీమ్ఇండియా కెప్టెన్‌గా ఎవరు రానున్నారన్న విషయంపై క్రికెట్ అభిమానుల్లో ఆసక్తి నెలకొంది. ఇందులో భాగంగా స్టార్ క్రికెటర్ హార్దిక్ పాండ్యా పేరు గట్టిగా వినిపిస్తోంది. గతంలోనూ టీమ్ఇండియాకు సారధిగా ఉన్న అనుభవం ఉండటంతో కెప్టెన్సీ లిస్ట్లో హార్దిక్ పేరు ముందున్నట్లు తెలుస్తోంది. వన్డే కెప్టెన్సీ ఫార్మాట్కు కేఎల్ రాహుల్ లేదా.. శ్రేయాస్ అయ్యర్ ఈ సిరీస్లో కమ్ బ్యాక్ ఇచ్చే ప్లాన్స్లో ఉన్నందున అతడికి కెప్టెన్సీ బాధ్యతలు ఇవ్వనున్నట్లు సమాచారం. ఇక భారత కోచ్‌గా గౌతమ్‌ గంభీర్ ప్రయాణం కూడా ఈ సిరీస్‌తోనే మొదలవుతుంది.
