తెలంగాణ విద్యార్థులకు శుభవార్త చెప్పింది కేసీఆర్‌ సర్కార్‌. మే 24 వ తేదీ నుంచే వేసవి సెలవులు ఇవ్వనున్నట్లు తెలంగాణ విద్యా శాఖ ప్రకటన చేసింది. రాష్ట్రంలో 1 నుంచి 9 తరగతుల పరీక్షలకు సంబంధించి.. సమ్మేటివ్‌ అసెస్‌ మెంట్‌ పరీక్షలు శనివారం నుంచి ప్రారంభం కానున్నాయి. ఇప్పటికే ఆయా జిల్లాల ఉమ్మడి పరీక్షల బోర్డులు ప్రశ్నపత్రాలను ఆయా ప్రభుత్వ, ప్రైవేట్‌ పాఠశాలలకు పంపించాయి.
ఈ నెల 22 వ తేదీతో పరీక్షలు పూర్తి కానున్నాయి. వాటి ఫలితాలను మరుసటి రోజు 23 వ తేదీన వెల్లడించనున్నారు. రెండేళ్‌ల నుంచి ప్రోగ్రెస్‌ కార్డులను ముద్రించకుండా విద్యాశాఖ నిర్లక్ష్యం వహించడంతో.. ఆన్‌ లైన్‌ లో పొందుపరిచిన ప్రోగ్రెస్‌ కార్డును డౌన్‌ లోడ్‌ చేసుకుని అందులో మార్కుల వివరాలు నమోదు చేయనున్నారు. ఈ నెల 24 వ తేదీ నుంచి జూన్‌ 12 వ తేదీ వరకు వేసవి సెలవులు ఉంటాయని విద్యాశాఖ స్పష్టం చేసింది. ఇక పదో తరగతి పరీక్షలు మే 23 వ తేదీ నుంచి జూన్‌ 1 వ తేదీ వరకు జరుగనున్నాయి.
