కేంద్ర ప్రభుత్వం ఎన్నో స్కీమ్స్ ని తీసుకు వచ్చింది. ఈ స్కీముల వలన ఎన్నో లాభాలు ఉంటాయి. చిన్నమొత్తాల పొదుపు పథకాలు ని కూడా కేంద్రం తీసుకు రావడం జరిగింది. ఈ పథకాల్లో కూడా కొన్ని పాపులర్ స్కీమ్స్ ఉన్నాయి. వాటిలో డబ్బులు పెడితే ఎంతో బెనిఫిట్ ఉంటుంది. సీనియర్ సిటిజన్స్ సేవింగ్స్ స్కీమ్ ని కూడా కేంద్రం తెచ్చింది. ఈ స్కీము వడ్డీ రేట్లు కూడా పెరిగింది. సీనియర్ సిటిజన్స్ సేవింగ్స్ స్కీమ్‌లో గరిష్టంగా రూ.15 లక్షల వరకు పెట్టచ్చు.
కానీ ఇప్పుడు ఈ లిమిట్‌ను రూ.30 లక్షలకు పెంచింది. ఏప్రిల్ 1 నుంచి అమలులోకి ఈ కొత్త రూల్ వచ్చింది. దీంతో 8 శాతంగా ఉన్న వడ్డీ రేటు 8.20 శాతానికి వెళ్ళింది. ప్రస్తుతం కూడా ఇదే వడ్డీ లభిస్తోంది. ఈ ఏడాది ఏప్రిల్ నుంచి జూన్ మధ్య సీనియర్ సిటిజన్స్ సేవింగ్స్ స్కీమ్‌లో చాలా మంది చేరారు. ఈ మూడు నెలల్లోనే రూ.55,000 కోట్ల పెట్టుబడులు వచ్చాయి.
60 ఏళ్లు దాటిన వృద్ధులు ఈ స్కీమ్ లో డబ్బులు పెట్టుకోవచ్చు. ఈ స్కీమ్‌లో ఐదేళ్ల వరకు ఇన్వెస్ట్ చేసుకోవచ్చు. ఆ తర్వాత కావాలంటే ఇంకో 3 ఏళ్లు ఎక్స్టెండ్ చేసుకోవచ్చు. ఈ పథకంలో భార్యాభర్తలు పెట్టుబడి పెడితే గరిష్టంగా నెలకు రూ.41,000 వస్తాయి. రూ.30 లక్షలు పొదుపు చేసుకోవచ్చు. భార్యాభర్తలు ఇద్దరూ కలిసి రూ.60 లక్షలు జమ చేస్తే, ప్రతీ ఏటా రూ.4,92,000 వడ్డీ వస్తుంది. నెలకు రూ.41,000 వడ్డీ ని పొందవచ్చు.
