సీనియర్ ఐఏఎస్, తెలంగాణ సీఎంవో అధికారిని స్మిత సబర్వాల్ అంటే రాష్ట్రంలో తెలియనివారు ఉండరు. ప్రభుత్వ కార్యకలాపాలతో పాటు సోషల్ మీడియాలో కూడా ఆక్టివ్ గా ఉంటూ రాష్ట్ర ప్రజలకు, ఆమె అభిమానులకు ఎప్పుడు టచ్ లో ఉంటారు స్మిత సబర్వాల్. నెటిజెన్స్ ఆమె దృష్టికి తీసుకువచ్చిన సమస్యలపై వెంటనే స్పందించి పరిష్కారం వైపు చర్యలు తీసుకుంటారు. ఇక తన వ్యక్తిగత జీవితంలో జరిగే మధుర క్షణాలను కూడా నేటిజెన్లతో పంచుకుంటూ ఉంటారు.
అయితే నేడు స్మిత సబర్వాల్ పుట్టినరోజు కావడంతో సోషల్ మీడియా వేదికగా ఆమెకు తోటి ఐపీఎస్ లతోపాటు సామాన్య ప్రజలు సైతం జన్మదిన శుభాకాంక్షలు తెలియజేస్తున్నారు. ఇక కొంతమంది ఆమె పేరు మీద దేవాలయాలలో ప్రత్యేక పూజలు సైతం చేయించడం విశేషం. కాగా తనకు జన్మదిన శుభాకాంక్షలు తెలిపిన ప్రతి ఒక్కరికి ధన్యవాదాలు అంటూ స్మిత సబర్వాల్ ట్వీట్ చేశారు.
