ఈ నెల 8న తెలంగాణకు ప్రధాని మోడీ రానున్నారు. ఈ సందర్బంగా రూ.6,100 కోట్ల విలువైన అభివృద్ధి పనులకు శంకుస్థాపన చేయనున్నారు ప్రధానమంత్రి నరేంద్ర మోదీ. ప్రధాన మంత్రి శ్రీ నరేంద్ర మోదీ జూలై 7-8 తేదీల్లో పలు అభివృద్ధి పనుల శంకుస్థాపన, ప్రారంభోత్సవంలో భాగంగా నాలుగు రాష్ట్రాలో పర్యటించనున్నారు.
జులై 8వ తేదీ ఉదయం 10:45 గంటలకు, ప్రధానమంత్రి తెలంగాణలోని వరంగల్‌కు చేరుకుని, దాదాపు రూ.6,100 కోట్ల విలువైన పలు కీలకమైన మౌలిక సదుపాయాల అభివృద్ధి ప్రాజెక్టులకు శంకుస్థాపన చేసి, బహిరంగ కార్యక్రమంలో పాల్గొంటారు. అయితే.. ఈ నెల 8న ప్రధాని మోదీ వరంగల్ జిల్లాలో పర్యటించనున్నారు. ఈ నేపథ్యంలో సిఎస్ శాంతి కుమారి సమీక్ష చేపట్టారు. అధికారులు ఏర్పాట్లు చేయాలని ఆదేశించారు. హెలిప్యాడ్ తో పాటు బహిరంగసభ వద్ద పటిష్ట భద్రత ఏర్పాటు చేయాలన్నారు. అన్ని శాఖలు సమన్వయంతో పనులు చేయాలని సూచించారు.
