ఆర్థిక రాజధాని, వ్యవసాయం లో కీలక పాత్ర పోషించే మహారాష్ట్ర లో బీజేపీ గెలవడం సంతొషం అని కేంద్రమంత్రి, తెలంగాణ బీజేపీ అధ్యక్షుడు కిషన్ రెడ్డి అన్నారు. కాంగ్రెస్ తప్పుడు ప్రచారం చేసిన డబల్ ఇంజన్ సర్కార్ పై మహారాష్ర్ట ప్రజలు అత్యధిక ఓట్లు, సీట్లు ఇచ్చారు. గత పార్లమెంట్ ఎన్నికల్లో రిజర్వేషన్ లు ఎత్తివేస్తారని చేసిన ప్రచారం తో కాంగ్రెస్ లబ్ధి పొందింది. కాంగ్రెస్ పార్టీ కులం, మతం, భాష పేరుతో గురివింద గింజ సామెత గా ప్రచారం చేసింది. అన్ని రకాల నష్టాలకు, ప్రజల ఇబ్బందులకు గురి చేసిన పార్టీ కాంగ్రెస్ అని కిషన్ రెడ్డి అన్నారు.
ఇక రాహుల్ గాంధీకి మతిమరుపు పెరిగిపోయింది. అత్యధిక కాలం ఈ దేశంలో కాంగ్రెస్ పాలించింది అనే అంశాన్ని మరిచిపోయారు. అంతటికీ బీజేపీ కారణం అని ప్రచారం చేస్తున్నారు. జార్ఖండ్, మహారాష్ట్రల్లో కలిపితే ఆ పార్టీ 30 సీట్లు దాటే పరిస్థితి లేదు. మహారాష్ట్రలో విపక్ష హోదా కూడా కాంగ్రెస్ కు రాలేదు అని కిషన్ రెడ్డి అన్నారు.
