శ్రీ రామ నవమి సందర్భంగా హైదరాబాద్ లో ఘనంగా వేడుకలు జరపనున్నారు. ఈ పర్వదినాన్ని పురస్కరించుకుని నగరంలో శ్రీ రామ శోభా యాత్ర నిర్వహించనున్నారు. ఈ క్రమంలో పోలీసు అధికారులు మందు బాబులకు బిగ్‌ షాక్ ఇచ్చారు. ఇవాళ నగరంలోని వైన్ షాప్ అన్ని బంద్ చేయాలని ఆదేశాలు జారీ చేశారు.
ఈ నేపథ్యంలో నగరంలోని వైన్ షాపులన్నీ ఇవాళ ముసుకున్నాయి. ఈరోజు ఉదయం 6 గంటల నుంచి 18వ తేదీ ఉదయం 6 గంటల వరకు వైన్, కల్లు, దుకాణాలు, రెస్టారెంట్లలోని బార్లు సైతం బంద్ చేయాలని నగర సీపీ శ్రీనివాస్ స్పష్టం చేశారు. హైదరాబాద్, సికింద్రాబాద్ జంట నగరాల్లో శాంతి భద్రతల దృష్ట్యా ఈ నిర్ణయం తీసుకున్నట్టు తెలిపారు. హైదరాబాద్, సికింద్రాబాద్ తో పాటు తెలంగాణ రాష్ట్ర వ్యాప్తంగా బంద్ నిర్వహించనున్నట్టు సమాచారం. మరోవైపు శోభా యాత్ర సందర్భంగా నగరంలో పలు చోట్ల ట్రాఫిక్ మల్లింపులు ఉన్నట్లు సీపీ శ్రీనివాస్ చెప్పారు.
