నెల్లూరు కోర్టులో ఫోర్జరీ పత్రాలు చోరీకి సంబంధించి సిబిఐ కేసు నమోదు చేసిన విషయం తెలిసిందే. సిబిఐ చెన్నై విభాగం మంగళవారం కేసు నమోదు చేసి దర్యాప్తు ప్రారంభించింది. హైకోర్టు ఆదేశాల మేరకు సిబిఐ కేసు నమోదు చేసింది. ఈ నేపథ్యంలో సిబిఐ అధికారులు రంగంలోకి దిగారు.
మంత్రి కాకాని గోవర్ధన్ రెడ్డి మొదటి నిందితుడిగా ఉన్న ఈ కేసులో ఒక ఎస్పీ స్థాయి అధికారి, ముగ్గురు సిబ్బందితో కూడిన బృందం నెల్లూరుకి చేరింది. చెన్నై నుంచి వచ్చిన సిబిఐ అధికారులు పోలీస్ పరేడ్ గ్రౌండ్ లోని గెస్ట్ హౌస్ లో కొందరు పోలీస్ అధికారుల నుంచి వివరాలు సేకరిస్తున్నారు.
