ప్రస్తుతం పవన్ కళ్యాణ్ చేతిలో ఐదు సినిమాలున్నాయి. వకీల్ సాబ్ చిత్రం రిలీజ్ కి రెడీ అవుతుండగా మరో నాలుగు సినిమాలు లైన్లో ఉన్నాయి. అందులో అయ్యప్పనుమ్ కోషియం రీమేక్ కూడా ఒకటి. సాగర్ చంద్ర దర్శకత్వంలో రూపొందే ఈ సినిమా పనులు చకచకా జరుగుతున్నాయట. ఇప్పటికే తెలుగు వెర్షన్ స్క్రిప్టుని పూర్తి చేసిన సాగర్ చంద్ర, నటీనటుల వేటలో పడ్డాడని అంటున్నారు. తాజా సమాచారం ప్రకారం ఈ సినిమాకి త్రివిక్రమ్ సాయం చేస్తున్నాడని అంటున్నారు.
ఈ రీమేక్ కి త్రివిక్రమ్ మాటలు రాస్తున్నాడని వినబడుతుంది. సోషల్ మీడియాలో వినిపిస్తున్న ఈ బజ్ నిజమైతే అభిమానులు పండగ చేసుకుంటారు. గతంలో జయంత్ సి పరాన్జీ దర్శకత్వం తీన్మార్ సినిమాకి కూడా త్రివిక్రమ్ మాటలు అందించాడు. ఇదిలా ఉంటే ఈ సినిమాలో పవన్ తో పాటు నటించే మరో హీరో ఎవరా అని అందరూ ఎదురుచూస్తున్నారు. రానా అయితే బాగుంటుందని చాలామంది నెటిజన్లు అభిప్రాయపడుతున్నారు.
