ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి వైరల్ ఫీవర్‌తో బాధపడుతున్నట్లుగా తెలుస్తోంది. రేపటి నుండి ఐదు రోజుల పాటు అసెంబ్లీ సమావేశాల నేపథ్యంలో ఈ రోజు కేబినెట్ సమావేశం జరిగింది. అయితే ఈ సమావేశం అనంతరం ఆయన అపాయింట్‌మెంట్లన్నింటినీ అధికారులు రద్దు చేశారు. అంతకుముందు కేబినెట్ సమావేశంలో కీలక నిర్ణయాలు తీసుకున్నారు. ఆ తర్వాత ముఖ్యమంత్రి జగన్ అసెంబ్లీ సమావేశాల వ్యూహాలపై చర్చించేందుకు పలువురు ముఖ్య నేతలతో సమావేశమయ్యారు. ఈ సమావేశంలో మంత్రులు బుగ్గన, బొత్స, పెద్దిరెడ్డితో పాటు ప్రభుత్వ విప్‌లు పాల్గొన్నారు.
చంద్రబాబు అరెస్టు తర్వాత జరిగే మొదటి సమావేశాలు కావడంతో విపక్షాలు పలు ప్రశ్నలు సంధించే అవకాశముంది. కేసు పూర్తి వివరాలను ప్రభుత్వం అసెంబీలో చెప్పాల్సిన అవసరం కూడా ఉంది. ఈ నేపథ్యంలో రేపు వ్యవహరించాల్సి తీరుపై సీఎం క్యాబినేట్ భేటీలో పాల్గొన్నారు. కాగా ఈ సమావేశం అనంతరం ఆయన అస్వస్థకు గురయ్యారు. దీంతో అపాయింట్‌మెంట్లన్నింటినీ అధికారులు రద్దు చేశారు. సీఎంతో జరిగిన సమావేశంలో మంత్రులు బుగ్గన, బొత్స, పెద్దిరెడ్డితో పాటు ప్రభుత్వ విప్‌లు పాల్గొన్నారు.
