ఆడుకుంటున్న పిల్లలపైకి దూసుకెళ్లిన కారు.. ఎక్కడంటే?

ఆడుకుంటున్న పిల్లలపైకి కారు దూసుకెళ్లింది. ఈ ప్రమాదంలో పిల్లలకు ప్రాణాప్రాయం తప్పగా.. గాయాలతో బయటపడినట్లు సమాచారం. ఈ భయానక ఘటన ఢిల్లీలోని పర్యటన విహార్‌‌లో ఆదివారం ఆలస్యంగా వెలుగుచూసింది.

వివరాల్లోకివెళితే.. పర్యటన విహార్‌లో స్థానికంగా ఉన్న ఓ అపార్ట్మెంట్ సెల్లార్ వద్ద ఇద్దరు పిల్లలు ఆడుకుంటున్నారు. అది కాస్త పార్కింగ్ స్థలం కావడంతో పిల్లలు ఆడుకుంటున్న విషయం గమనించకుండా ఓ కారు డ్రైవర్ వాహనాన్ని వారి మీదుగా పోనిచ్చాడు. ఈ ప్రమాదంలో చిన్నారులకు గాయాలైనట్లు సమాచారం. అయితే, డ్రైవర్లు టర్న్ చేయకముందే పరిసరాలు గమనించాలని, 360 డిగ్రీ కెమెరా వాడితే అలర్ట్ చేస్తుందని పోలీసులు సూచిస్తున్నారు. దీనికి సంబంధించిన విజువల్ సోషల్ మీడియాలో వైరల్ అవుతోంది.