వాట్సాప్ ప్రైవసీ పాలసీని మారుస్తున్నామని చెప్పినప్పటి నుండి అనేక విమర్శలు ఎదురయ్యాయి. ఆ విమర్శలు ఇంకా విస్తరిస్తుండగానే వాట్సాప్ వాడకాన్ని తగ్గించేస్తున్నారు. ఇప్పటికే వాట్సాప్ కి ప్రత్యామ్నాయంగా టెలిగ్రామ్, సిగ్నల్ వంటి యాప్ లు అందుబాటులో ఉన్నాయి. ఈ నేపథ్యంలో వీటి డౌన్లోడ్లు విపరీతంగా పెరుగుతున్నాయి. ఇప్పటికే మిలియన్లలో డౌన్లోడ్లు జరిగిపోయాయి. మునుముందు మరింత మంది ఇతర ప్రత్యామ్యాన యాప్ ల వైపు చూసే అవకాశం ఉంది.
ప్రస్తుతం భారతదేశంలో రెండుకోట్ల మంది వాట్సాని డిలిట్ చేసారట. మొత్తం 40కోట్ల యూజర్లలో రెండుకోట్ల మంది డిలీట్ చేయడం అంటే చిన్న విషయం కాదు. ఆ సంఖ్య రోజు రోజుకీ పెరుగుతూనే ఉంది. ఇంకా వాట్సాప్ పే సౌలభ్యాన్ని 92శాతం వాడమని చెప్పేసారు. అలాగే 79శాతం మంది వాట్సాప్ బిజినెస్ ని వాడట్లేదు. ఇలాగే కొనసాగితే కొన్ని రోజులకి వాట్సాప్ వినియోగదారులు భారీగా తగ్గే అవకాశం ఉంది.
