స్టాక్ మార్కెట్ లో పెట్టుబడి పెట్టాలని అనుకొనిరికి మ్యూచువల్ ఫండ్ గురించి తెలిసే ఉంది. ఫైనాన్షియల్‌ మార్కెట్‌లో డబ్బు ఇన్వెస్ట్ చేయడానికి చాలా రకాల ఆప్షన్‌లు అందుబాటులో ఉన్నాయి. షేర్స్, బాండ్స్‌, వివిధ ప్రభుత్వ స్కీమ్‌లలో ఇన్వెస్ట్ చేయవచ్చు. అయితే ఇన్వెస్ట్‌మెంట్‌పై సరైన అవగాహన ఉన్నవారు తక్కువ రిస్క్, స్థిరమైన రాబడిని అందించే మ్యూచువల్‌ఫండ్స్‌పై ఆసక్తి చూపుతారు. ఎక్కువ మంది వ్యక్తులు తమ ఆర్థిక లక్ష్యాలను చేరుకోవడానికి మ్యూచువల్ ఫండ్ పథకాల్లో పెట్టుబడి పెడుతున్నారు.
ఫస్ట్ టైం ఈ ఫండ్స్ లో ఇన్వెస్ట్ చేసేవారు కాస్త కన్ఫ్యూజన్ అవ్వడం సహజం. ఆశించిన రాబడిని పొందడానికి సరైన పథకాలను ఎంచుకోవడం చాలా అవసరం. మ్యూచువల్ ఫండ్స్‌లో పెట్టుబడి పెట్టేటప్పుడు సరైన నిర్ణయం తీసుకోవడంలో సహాయపడే కొన్ని టిప్స్ ఇవే.. మ్యూచువల్ ఫండ్స్‌లో పెట్టుబడి పెట్టడానికి ముందు, రిస్క్, పెట్టుబడిపై రాబడిని అంచనా వేయాలి. దీని ప్రకారం.. ఆర్థిక లక్ష్యాలను సాధించడంలో సహాయపడే మ్యూచువల్ ఫండ్ పథకాన్ని ఎంచుకోవాలి. ఉదాహరణకు, రాబోయే పదేళ్లలో కొంత డబ్బును సేవ్‌ చేయాలని నిర్ణయించుకుంటే.. రిస్క్‌కి అనుగుణంగా అధిక రాబడిని అందించే మ్యూచువల్ ఫండ్ స్కీమ్‌ను ఎంచుకోవచ్చు.. పదేళ్ల తర్వాత ఈ ఫండ్స్ లో మంచి ఆర్థిక లాభాలను పొందవచ్చు.
*. ఇన్వెస్ట్‌మెంట్ పోర్ట్‌ఫోలియోను వివిధ మ్యూచువల్ ఫండ్ స్కీమ్‌లలోకి, వివిధ మ్యూచువల్ ఫండ్ కంపెనీలలోకి మార్చాలి.
*. మ్యూచువల్ ఫండ్ పథకాలలో పెట్టుబడి పెట్టడానికి ముందు, వాటి గత పనితీరు, నిర్వహణ సామర్థ్యం, వ్యయ నిష్పత్తిని తెలుసుకోవాలి. స్థిరమైన రాబడిని అందించే సామర్థ్యాన్ని కలిగి ఉన్న వాటిని గుర్తించడానికి ఆన్‌లైన్‌లో ఇతర పథకాలతో పోల్చి చూడాలి. తక్కువ వ్యయ నిష్పత్తిని కలిగి ఉన్న సాధారణ ప్లాన్‌ల కంటే డైరెక్ట్ ప్లాన్‌లకు ఇంఫార్టెన్స్ ఇవ్వాలి.
*. మెరుగైన రాబడి కోసం మితమైన రిస్క్ తీసుకోవడానికి సిద్ధంగా ఉంటే, బ్యాలెన్స్‌డ్ ఫండ్‌లో పెట్టుబడి పెట్టవచ్చు. అధిక రాబడి కోసం, అధిక రిస్క్ తీసుకోవాలి. కాబట్టి, పెద్ద క్యాప్ ఈక్విటీ ఫండ్‌లో పెట్టుబడి పెట్టవచ్చు. విభిన్న పథకాలు, విభిన్న మ్యూచువల్ ఫండ్ కంపెనీలలో ఫండ్‌ను పెట్టుబడి పెట్టాలి. రిస్క్‌ను మరింత తగ్గించాలనుకుంటే, లంప్సమ్ ఫండ్‌ను లిక్విడ్ ఫండ్‌లో పెట్టవచ్చు.
*. మ్యూచువల్ ఫండ్ పథకాలలో పెట్టుబడి పెట్టినప్పుడు, పోర్ట్‌ఫోలియోను ఎప్పటికప్పుడు సమీక్షించుకోవాలి. పెట్టుబడి ఎలా ఉందో తనిఖీ చేయాలి. కొన్నిసార్లు ఇది అంచనా స్థాయి పనితీరు కంటే వెనుకబడి ఉండవచ్చు. కొన్నిసార్లు, అంచనా కంటే మెరుగ్గా ఉండవచ్చు. అంచనాల కంటే తక్కువగా ఉంటే, తక్కువ పనితీరు ఉన్న ఫండ్‌ల నుంచి మెరుగైన వాటికి పెట్టుబడులను మార్చవలసి ఉంటుంది. మ్యూచువల్ ఫండ్స్ గురించి తెలుసుకొని,చిన్న వయస్సులోనే చేసుకోవడం మంచిది. అనుభవం వచ్చే కొద్దీ మంచి లాభాలను పొందవచ్చు..
