కేంద్రం LTC మీద స్పష్టత ఇచ్చేసింది. అయితే సాధారణంగా కేంద్ర ప్రభుత్వ ఉద్యోగం చేసే వాళ్లకి రెండు సమస్యలతో ఇబ్బంది పడుతున్నారు. మొదటిది వాళ్లకి ఒకవైపు లేదా రెండు వైపులకీ అయ్యే డబ్బులు ఇస్తారా..? , మరొకటి ఏమిటంటే ఒకే కుటుంబంలో ఒకరి కంటే ఎక్కువ మందికి LTC కి క్లెయిమ్ చేసుకోవచ్చ…? అయితే దీని మీద కేంద్రం క్లారిటీ ఇచ్చిందనే చెప్పవచ్చు. మరి పూర్తి వివరాల్లోకి వెళితే…. ప్రభుత్వ ఉద్యోగుల సందేహాలను పరిష్కరించడానికి సెంట్రల్ సివిల్ సర్వీసెస్ (LTC) నిబంధనలు 1988 చెప్పిన ప్రకారం కేంద్ర ప్రభుత్వం స్పష్టత ఇచ్చింది.
కానీ వంద కిలోమీటర్ల దాటితే అతనే చెల్లించాల్సి ఉంటుంది. అయితే మొన్న లాక్‌డౌన్‌ సమయంలో చాలా మంది ఉద్యోగులు ఒక ప్రశ్న అడిగారు. వంద కిలోమీటర్లు ఒక పక్క లేదా రెండు పక్కల అని… దీని మేరకు ఫిబ్రవరి 4, 2021న క్లారిటీ వచ్చేసింది. 200 కిలోమీటర్ల వరకు మొత్తం ప్రయాణానికి చార్జీలు చెల్లిస్తారని చెప్పారు. ఇదిలా ఉండగా ఒకే కుటుంబానికి చెందిన చాలా మంది వ్యక్తులు LTC ప్రయోజనాలు తీసుకోవచ్చా…? అనే విషయానికి వస్తే కుటుంబంలో ఉన్న వేర్వేరు వ్యక్తులు ప్రైవేట్ టాక్సీలు లేదా ఇతర వాహనాలు ఉపయోగించడాన్ని బట్టి వాళ్లకి వేరు వేరు ప్రయోజనాలు కలుగుతాయని అవి తీసుకోవచ్చు అని కేంద్రం చెప్పింది.
