బుల్లితెర‌పై స్టార్ యాంక‌ర్లుగా దూసుకుపోతున్నారు శ్రీముఖి, ప్రదీప్ మాచిరాజు. వీరిద్ద‌రు చేసిన ప్ర‌తి షో మంచి రేటింగ్‌తోనే ఉంది. వీరిద్ద‌రి ఎన‌ర్జీ అంత ఇంతా కాదు. వీరిద్ద‌రూ ఓ వైపు రియాలిటీ షోల‌తో పాటుగా ఇంకోవైపు మూవీల్లో కూడా చేస్తూ ఫుల్ బిజీగా ఉంటున్నారు. వీరిద్ద‌రూ క‌లిసి ఇంత‌కుముందు కొన్ని ప్రోగ్రామ్‌లు కూడా చేశారు.
అయితే శ్రీముఖి, ప్రదీప్ మధ్య చాల కాలం నుంచి సాన్నిహిత్యం ఉంద‌న్న విష‌యం తెలిసిందే. అయితే ఆ స‌న్నిహిత్యం కొన్నిసార్లు హ‌ద్దులు దాట‌డంతో వీరి మధ్య ఏదో ఉందనే వార్తలు నెట్టింట వస్తూనే ఉంటాయి. అంత క్లోజ్‌గా ఉంటారు మ‌రి వీరిద్ద‌రూ.
కానీ రీసెంట్గా మరోసారి వీరిద్ద‌రూ టాక్ ఆఫ్ ది టాలీవుడ్ అన్న‌ట్టు మారిపోయారు. అందుకు కార‌ణం ఓ ప్రోగ్రామ్‌లో అంద‌రూ చూస్తుండగానే యాంకర్ ప్రదీప్కు శ్రీముఖి ఐ లవ్ యూ అంటూ షాకింగ్ న్యూస్ చెప్పింది. జీ తెలుగు ఛాన‌ల్‌లో వచ్చే డ్రామా జూనియర్స్‌కు యాంక‌ర్‌గా ప్రదీప్ చేస్తున్న విష‌యం తెలిసిందే. దీనికి వచ్చిన శ్రీముఖి ముసుగు తీసేసి యాంకర్ ప్రదీప్కు ప్రపోజ్ చేస్తూ క‌నిపిస్తోంది. ఆ వెంట‌నే ప్రదీప్ ప‌క్క‌న నిల్చుని సిగ్గు ప‌డుతుంది. దీంతో మరోసారి వీరిద్ద‌రి మధ్య ఏదో ఉందనే కామెంట్లు మొద‌ల‌య్యాయి.
