ప్రస్తుతం బాలీవుడ్ హీరోలు, హీరోయిన్లు ఒకరి తరువాత ఒకరు ఖరీదైన కార్ లను సొంతం చేసుకుంటున్నారు. ఈ నేపథ్యంలోనే మొన్నటికి మొన్న బాలీవుడ్ హీరో అక్షయ్ కుమార్ రూ.2 కోట్లు ఖర్చుపెట్టి bmw ఎలక్ట్రిక్ కార్ ను కొనుగోలు చేయగా.. ఇప్పుడు కియారా అద్వానీ కూడా ఒక ఖరీదైన కారు కొని వార్తల్లో నిలిచింది. తొలి సినిమాతోనే తెలుగు సినీ ఇండస్ట్రీలో హిట్ అందుకున్న ఈ ముద్దుగుమ్మకు అవకాశాలు మాత్రం పెద్దగా రాలేదని చెప్పాలి. మహేష్ బాబు నటించిన భరత్ అనే నేను సినిమా తర్వాత వినయ విధేయ రామ చిత్రాలలో నటించింది. కానీ ఇది పెద్దగా ఆకట్టుకోలేకపోయాయి.
తిరిగి బాలీవుడ్ కి వెళ్ళిపోయిన ఈమెకు అక్కడ అవకాశాలు భారీగానే వస్తున్నాయని చెప్పాలి. L ప్రస్తుతం పాన్ ఇండియా డైరెక్టర్ శంకర్, రామ్ చరణ్ కాంబినేషన్లో వస్తున్న రాంచరణ్ 15వ చిత్రంలో కూడా ఈమె నటిస్తోంది. మరొకవైపు పాన్ ఇండియా రేంజ్ తో అత్యంత భారీగా ఈ సినిమా విడుదల చేయనుండడంతో సర్వత్ర ఉత్కంఠ నెలకొనిందని చెప్పాలి. ఇకపోతే ఇటీవలే తన ప్రియుడు సిద్ధార్థ మల్హోత్రా తో ఏడడుగులు వేసిన ఈమె అటు వైవాహిక జీవితాన్ని చక్కగా బ్యాలెన్స్ చేస్తోందని చెప్పవచ్చు.
ఇదిలా ఉండగా తాజాగా కియరా అద్వానీ మెర్సిడెస్ బెంజ్ అనే కార్ ను కొనుగోలు చేసింది. దీని విలువ భారత మార్కెట్లో సుమారుగా రూ.3కోట్లు ఉంటుందని సమాచారం. ఇకపోతే మే 26వ తేదీన ఈ కారును తన పేరు మీద రిజిస్ట్రేషన్ చేయించుకుంది ఈ ముద్దుగుమ్మ. ప్రస్తుతం కియారా కొనుగోలు చేసిన కారు ఫోటోలు సోషల్ మీడియాలో చాలా వైరల్ గా మారుతున్నాయి.
