ప్రతి హృదయాన్ని దోచుకున్న నేత రాజశేఖర్ రెడ్డి అని వైఎస్ షర్మిల అన్నారు. కడప జిల్లా ఇడుపులపాయలో వైఎస్ ఘాట్ వద్ద నివాళులర్పించారు షర్మిల. వైయస్ ఘాట్ వద్ద మీడియాతో షర్మిల మాట్లాడుతూ… రాజశేఖర్ రెడ్డి ఎంత గొప్ప నాయకుడో చెప్పాల్సిన అవసరం లేదన్నారు.
ముఖ్యమంత్రి అయిన తర్వాత తొలి సంతకమే ఉచిత విద్యుత్ పైన చేసిన మహోన్నత వ్యక్తి వైఎస్ఆర్ అని.. ఫీజు రీయింబర్స్మెంట్, ఆరోగ్యశ్రీ, పేదలకు పోడు భూములు ఇచ్చిన ఘనత రాజశేఖర్ రెడ్డిదన్నారు.ఐదేళ్లలో 46 లక్షల ఇల్లు పేదవాళ్లకు కట్టించాడు రాజశేఖర్ రెడ్డి అని.. ప్రతి హృదయాన్ని దోచుకున్న నేత రాజశేఖర్ రెడ్డి అని కొనియాడారు. వైయస్ జయంతి సందర్భంగా మరోసారి ఆయన్ని స్మరించుకునే అవకాశం వచ్చిందని.. రాజశేఖర్ రెడ్డిని ప్రేమించే ప్రతి గుండెకు ప్రతి పేదవానికి ఆయన కుటుంబం మనస్ఫూర్తిగా కృతజ్ఞతలు తెలియజేస్తుందని తెలిపారు.
