తోడేళ్ల గుంపు vs సింహం..చంద్రబాబు గ్యాంగ్ పై విజయసాయి రెడ్డి సెటైర్లు పేల్చారు. తోడేళ్ల గుంపు vs సింహం అంటూ చంద్రబాబు గ్యాంగ్ పై విజయసాయి రెడ్డి సెటైర్లు పేల్చారు. వచ్చే ఎన్నికలు టిడిపి-వైఎస్ఆర్సిపి మధ్య అని వైసిపి ఎంపీ విజయసాయిరెడ్డి అన్నారు.
ఈ ఎన్నికలను తోడేళ్ల గుంపు vs సింహం, అధికారం కోసం దురాశ vs ప్రజా సంక్షేమం, యుటర్న్ పాలిటిక్స్ vs విశ్వసనీయత, అస్థిరత్వం vs స్థిరత్వం, అవకాశవాదం vs నిజాయితీ, కుల రాజకీయాలు vs ఐక్యత, క్రోని క్యాపిటలిజం vs అందరికీ లబ్ధితో పోల్చవచ్చు. అన్ని ప్రతిపక్షాలు vs జగన్ గా ఎన్నికలు జరుగుతాయి’ అని ట్వీట్ చేశారు.
సోము వీర్రాజు గారు అధ్యక్షుడిగా కొనసాగితే పురంధేశ్వరిలా అవినీతిపరులకు మద్ధతు పలికేవారు కాదని… టీడీపీ బలహీనతను వీర్రాజు గారు తన పార్టీకి అనుకూలంగా మార్చుకునేవారని వెల్లడించారు. ‘బావ’సారూప్యత సమస్య ఉత్పన్నమయ్యేది కాదు. చంద్రబాబు గారు కర్ణాటక డిప్యూటి సిఎం డీకే శివకుమార్ గారి ద్వారా ‘ఇండియా’ కూటమికి దగ్గరవుతున్న విషయం బిజెపి అధిష్ఠానానికి తెలుసు అన్నారు.
