జనసేన అధ్యక్షుడు పవన్ కళ్యాణ్ రాజకీయాలలో దూసుకుపోవాలని రకరకాల ప్రణాళికలతో దూసుకుపోతున్నాడు. ఇక పవన్ కళ్యాణ్ వారాహి యాత్రల పేరుతో ఏపీలోని కొన్ని జిల్లాలలో పర్యటిస్తూ ప్రజలతో డైరెక్ట్ గా మాట్లాడుతున్న విషయం తెలిసిందే. ఇప్పటి వరకు మూడు వారాహి యాత్రలు పూర్తి చేసుకోగా.. నాలుగవ యాత్ర కృష్ణ జిల్లాలో సాగుతోంది. తాజాగా తెలుస్తున్న సమాచారం ప్రకారం తెలంగాణలోనూ జనసేన పార్టీని విస్తరింపచేయాలని ప్లాన్ లో టీం అంతా ఉంది. అందులో భాగంగానే ఈ రోజు వచ్చే ఎన్నికల్లో తెలంగాణాలో పోటీ చేయనున్న నియోజకవర్గాలను ప్రకటించింది. ఇక మరో కీలక నిర్ణయాన్ని జనసేన అధ్యక్షుడు పవన్ కళ్యాణ్ తీసుకోవడం జరిగింది. తెలంగాణలోనూ వారాహి యాత్రను స్టార్ట్ చేయాలని చూస్తున్నట్లు తెలంగాణ జనసేన ఉపాధ్యక్షుడు మహీధర్ రెడ్డి తెలియచేశారు.
ఇంకా ఏమైనా ప్రణాళికలు ఉంటే ఎన్నికల ముందు తెలియచేస్తారు అంటూ మహీధర్ రెడ్డి తెలియచేశారు. ఇక తెలంగాణాలో ఇప్పటికే అధికారంలో ఉన్న BRS ను తట్టుకుని కనీసం ఒక్కచోటు అయినా జనసేన గెలుస్తుందా అన్నది సందేహమే అని చెప్పాలి.
