వన్డే ప్రపంచ కప్ లో భాగంగా ఢిల్లీలోని అరుణ్ జైట్లీ స్టేడియం వేదికగా భారత్-ఆప్గనిస్తాన్ జట్ల మధ్య మ్యాచ్ జరుగుతోంది. టాస్ గెలిచి తొలుత బ్యాటింగ్ చేసిన అప్గాన్ జట్టు మంచి స్కోరు సాధించింది. నిర్ణీత 50 ఓవర్లలో 8 వికెట్ల నష్టానికి 272 పరుగులు చేసింది. రెహ్మనుల్లా గుర్బాజ్ (21), ఇబ్రహీం జాద్రాన్ (22), రహమత్ షా (16) తక్కువ స్కోరుకే వెనుదిరిగినప్పటికీ.. కెప్టెన్ హష్మతుల్లా షాహిది (80 : 88 బంతుల్లో 8 పోర్లు, 1 సిక్స్ ), ఇక మిడిల్ ఆర్డర్ బ్యాటర్ అజ్మతుల్లా ఒమర్జాయ్ (62: 69 బంతుల్లో 2 ఫోర్లు, 4 సిక్స్ లు ) కీలక ఇన్నింగ్స్ ఆి జట్టును ఆదుకున్నారు.
వీరిద్దరూ నాలుగో వికెట్ కి 121 పరుగుల భాగస్వామ్యాన్ని నెలకొల్పారు. మహ్మద్ నబీ 19, రషీద్ ఖాన్ 16, ముజీబుర్ రెహ్మన్ 10 నాటౌట్, నవీనుల్ హక్ 9 నాటౌట్ గా ఉన్నారు. భారత బౌలర్లలో జస్ ప్రీత్ బుమ్రా 4, హార్దిక్ పాండ్య 2, శార్దూల్ ఠాకూర్, కుల్దీప్ యాదవ్ ఒక్కో వికెట్ తీశారు. దీంతో భారత జట్టు లక్ష్యం 273 పరుగులు చేయాల్సి ఉంది.
