జబర్దస్త్ యాంకర్ రష్మి కారు యాక్సిడెంట్ లో ఓ వ్యక్తికి బాగా గాయాలయ్యాయట. విశాఖపట్నం గాజువాక కూర్మన్నపాలెం రోడ్ లో రష్మి కారు రోడ్డు మీద వెళ్తున్న వ్యక్తిని ఢీ కొట్టిందట. ఆదివారం రాత్రి 11 గంటల సమయంలో ఈ సంఘటన జరిగినట్టు తెలుస్తుంది. అయితే గాయాలైన వ్యక్తిని దగ్గరలో ఉన్న ప్రభుత్వ హాస్పిటల్ కు తీసుకెళ్లగా అక్కడ ట్రీట్ మెంట్ చేయడం కష్టమని తెలుసుకుని ప్రైవేట్ హాస్పిటల్ కు షిఫ్ట్ చేశారట.
స్మాల్ స్క్రీన్, సిల్వర్ స్క్రీన్ అనే తేడా లేకుండా తన సత్తా చాటుతున్న రష్మి ఇలా కారు యాక్సిడెంట్ కేసులో ఇరుక్కోవడం ఆమె ఫ్యాన్స్ కు షాక్ ఇచ్చింది. బధిత కుటుంబానికి సంబందించిన విషయాలు ఇంకా తెలియాల్సి ఉంది. అయితే ఈ విషయాన్ని మీడియాకు తెలియకుండా జాగ్రత్త పడుతున్నారట. అయితే రష్మి కారు ఢీ కొట్టిన వ్యక్తి పరిస్థితి ఎలా ఉంది అన్నది తెలియాల్సి ఉంది.
