సినీ ఇండస్ట్రీలో మరో విషాదం చోటుచేసుకుంది. ప్రముఖ మలయాళీ కొరియోగ్రాఫర్ రాజేష్ మాస్టర్ హఠాత్తుగా కన్నుమూశారు. ఆత్మహత్య చేసుకున్నట్టు వార్తలు వినిపిస్తున్న నేపథ్యంలో ఇంకా పూర్తి వివరాలు తెలియాల్సి ఉంది.
ప్రముఖ కొరియోగ్రాఫర్ రాజేష్ మాస్టర్ గురువారం అకస్మాత్తుగా కన్నుమూశారు. మలయాళ పరిశ్రమకు చెందిన ఈయన ఆత్మహత్య చేసుకున్నట్టు వార్తలు వినిపిస్తున్న నేపథ్యంలో ఇంకా అసలు విషయాలు తెలియాల్సి ఉంది. వ్యక్తిగత కారణాలతో ఇతను ఆత్మహత్య చేసుకున్నట్టు వార్తలు వినిపించగా మరికొందరు మాత్రం సక్రమంగా జరిగిన కెరియర్ తర్వాత అవకాశాలు రాకపోవడంతో ఇలా చేసుకున్నారని అంటున్నారు. మలయాళ పరిశ్రమలో పలు హిట్ సినిమాలకి కొరియోగ్రఫీ అందించిన ఇతని మరణం మాత్రం అందరిని కలిసి వేసింది. డాన్స్ పై ఉన్న ఇంట్రెస్ట్ తో రాజేష్ మాస్టర్ ప్రముఖ డ్యాన్స్ గ్రూప్ ఎలక్ట్రో బ్యాటిల్స్ ను స్థాపించారు.. మలయాళ పరిశ్రమకు చెందిన ఫెఫ్కా డ్యాన్స్ యూనియన్ ఎగ్జిక్యూటివ్ మెంబర్ గా కొనసాగుతున్నారు. కాగా ఇతని మరణం పై పలువురు సినీ ప్రముఖులు సంతాపం వ్యక్తం చేస్తున్నారు.
ఈయన మరణం పై స్పందించిన ప్రముఖ మలయాళీ నటి బీనా ఆంటోనీ సంతాపం ప్రకటించారు. రాజేష్ మాస్టర్ ఫొటోని తన ఇన్ స్టా గ్రామ్ అకౌంట్ లో షేర్ చేసి బాధపడ్డారు. అతడు తీసుకున్న రెండో నిర్ణయం ఎంతో నష్టానికి దారితీసిందంటూ తన పోస్ట్ లో రాసుకొచ్చారు. ఈ పోస్ట్ పై పలువురు స్పందిస్తూ అతని మరణానికి గల కారణాలు ప్రశ్నిస్తున్నారు. ప్రస్తుతం పోలీసుల ఇన్వెస్టిగేషన్ జరుగుతున్నట్టు తెలుస్తుంది.
