యంగ్ టైగర్ ఎన్.టి.ఆర్, త్రివిక్రం కాంబోలో వస్తున్న అరవింద సమేత సినిమా ఆడియో వేడిక అసలైతే సెప్టెంబర్ 20న జరపాలని నిర్ణయించారు. ఈ వేడుకకు ముఖ్య అతిథిగా బాలకృష్ణ వస్తారని కొన్నాళ్లుగా వినిపిస్తున్న మాట. అయితే అరవింద సమేత ఆడియో వేడుకని క్యాన్సిల్ చేస్తున్నట్టు తెలుస్తుంది. దానికి బదులుగా ప్రీ రిలీజ్ ఈవెంట్ ప్లాన్ చేస్తున్నారట.
అక్టోబర్ 11న రిలీజ్ ప్లాన్ చేసిన అరవింద సమేత కోసం రిలీజ్ కు వారం ముందు ప్రీ రిలీజ్ ఈవెంట్ ఫిక్స్ చేశారట. ఇక ఈ ఈవెంట్ కు అతిథులుగా ఏపి సిఎం చంద్రబాబు నాయుడు, నందమూరి బాలకృష్ణ వస్తారని తెలుస్తుంది. కొన్నాళ్లుగా చంద్రబాబు, బాలకృష్ణలకు దూరంగా ఉంటూ వచ్చిన ఎన్.టి.ఆర్ తండ్రి మరణంతో వారికి దగ్గరయ్యాడు. ప్రస్తుతం రానున్న ఎన్నికలకు ఎన్.టి.ఆర్ సపోర్ట్ కూడా అవసరమే అని భావిస్తున్న టిడిపి ఎన్.టి.ఆర్ కు అండగా ఉండేందుకు సిద్ధమైంది.
అరవింద సమేత ప్రీ రిలీజ్ ఈవెంట్ లో ఎన్.టి.ఆర్, బాలకృష్ణ, చంద్రబాబు ఒకే వేదిక మీదకు రానున్నారు. నందమూరి ఫ్యాన్స్ కు ఆరోజు ప్రత్యేకమైనదిగా చెప్పుకోవచ్చు. మరి వస్తున్న వార్తల్లో ఎంతవరకు నిజం ఉందన్నది తెలియాలంటే కొద్దిరోజులు వెయిట్ చేయాల్సిందే.
