కేజిఎఫ్’ ఇండియన్ సినిమాలో ఈ పేరు ఒక సంచలనం. 5 భాషల్లో ఈ సినిమా ఒక రకంగా సంచలనం సృష్టించింది. ఆ సినిమా తీసే సమయంలో కూడా ఇంత పేరు వస్తుందని చిత్ర నిర్మాత, దర్శకుడు ప్రశాంత్ నీల్ కూడా అనుకుని ఉండకపోవచ్చు. ఆ స్థాయిలో హిట్ అయింది ఈ సినిమా. వసూళ్ళ పరంగా కూడా కొత్త సంచలనాలు నమోదు చేసింది ఈ చిత్రం. ఇప్పుడు ఈ సినిమా రెండో భాగ౦ కోసం అందరూ ఆసక్తిగా ఎదురు చూస్తున్నారు.
ఈ సినిమా ఎప్పుడు విడుదల అవుతుందా అనే ఆసక్తి అందరిలోనూ నెలకొంది. ఈ సినిమా రిలీజ్ డేట్ గురించి బాలీవుడ్ స్టార్ హీరోలు కూడా ఎదురు చూస్తున్నారు. కెజియఫ్ 2 సినిమా విడుదల తేదీని తాజాగా చిత్ర యూనిట్ ప్రకటించింది. అక్టోబర్ 23న ఈ సినిమా విడుదల కానుంది. కన్నడతో పాటు తెలుగు, తమిళం, హిందీ, మళయాలంలో కెజియఫ్ 2 ఒకేరోజు విడుదలవుతుంది. బంగారు గ‌నుల నేప‌థ్యంలో తెరకెక్కింది ఈ సినిమా.
రెండో భాగంలో విలన్ గా సంజయ్ దత్ నటిస్తున్నాడు. ఈ సినిమా హక్కుల కోసం అన్ని భాషలు ఆసక్తిగా చూస్తున్నాయి. మన తెలుగులో ఎవరు కొంటారు అనేది చూడాలి. తెలుగులో కెజియఫ్ తొలిభాగాన్ని 4 కోట్లకు కొనగా 13 కోట్లు వసూళ్లు చేసింది. హిందిలో 40 కోట్లకు పైగా వసూలు సాధించింది. తమిళనాడు లో కూడా 10 కోట్లకు పైగా వసూలు చేసింది. త్వరలో విలన్ సంజయ్ దత్, హీరో యష్ మధ్య యాక్షన్ సన్నివేశాలు చిత్రీకరించనున్నారు.
