సావిత్రి బయోపిక్ గా నాగ్ అశ్విన్ డైరక్షన్ లో వచ్చిన సినిమా మహానటి. అశ్వనిదత్ సమర్పణలో ప్రియాంకా, స్వప్నలు ఈ సినిమా నిర్మించారు. సావిత్రి జీవిత కథను ఎంతో అద్భుతంగా తెరకెక్కించాడు దర్శకుడు నాగ్ అశ్విన్. వెండితెర మీద అద్భుతాలు సృష్టించిన ఈ సినిమా బుల్లితెర మీద కూడా రికార్డులు సృష్టించింది. స్టార్ హీరోల సినిమాలతో సమానంగా మహానటి టి.ఆర్.పి రేటింగ్ తెచ్చుకుంది.
స్టార్ మాలో ప్రసారమైన ఈ సినిమా 20.16 టి.ఆర్.పి రేటింగ్ తెచ్చుకుంది. ఈమధ్య బుల్లితెర మీద ఈ రేంజ్ టి.ఆర్.పి రేటింగ్ వచ్చిన సినిమాల్లో ఈ సినిమా క్రేజ్ తెచ్చుకుంది. అంతేకాదు ఈ సినిమాతో బయోపిక్ సినిమాలకు ఓ కొత్త ఎనర్జీ వచ్చింది. పాతిక కోట్ల ప్రీ రిలీజ్ బిజినెస్ తో రిలీజ్ అయిన ఈ సినిమా 40 కోట్ల దాకా వసూళ్లను రాబట్టింది.
కీర్తి సురేష్ సావిత్రిగా నటించిన మహానటి సినిమాలో దుల్కర్ సల్మాన్, విజయ్ దేవరకొండ, సమంత నటించారు. మిక్కి జే మేయర్ సంగీతం కూడా సినిమాకు చాలా హెల్ప్ అయ్యింది.
