సుకుమార్ దర్శకత్వంలో అల్లు అర్జున్ హీరోగా రష్మిక మందన్న హీరోయిన్గా తెరకెక్కిన పాన్ ఇండియా సినిమా పుష్ప . నిజానికి బాలీవుడ్లో ప్రమోషన్స్ చేయకుండానే సినిమా విడుదల చేసి రూ. 100 కోట్ల క్లబ్లో చేరిపోయింది. ఇక ఈ సినిమాతో అల్లు అర్జున్ ఫేమ్ దేశవ్యాప్తంగా పాకిపోయిందని చెప్పవచ్చు. ప్రస్తుతం పాన్ ఇండియా సినిమా చేయకపోయినా పాన్ ఇండియా హీరోగా గుర్తింపు తెచ్చుకున్న అల్లు అర్జున్ ప్రస్తుతం పుష్ప 2 సినిమాను చాలా గ్రాండ్ గా పాన్ ఇండియా రేంజ్ లో విడుదల చేయబోతున్నారు. ఎందుకంటే బాలీవుడ్ సినీ ప్రేక్షకులు కూడా ఈ సినిమా కోసం ఎంతో ఆత్రుతగా ఎదురు చూస్తున్న నేపథ్యంలో చాలా గ్రాండ్గా సినిమాను రిలీజ్ చేయనున్నట్లు సమాచారం.
ఇకపోతే పుష్ప 2 కోసం సుకుమార్ చాలా జాగ్రత్తగా దగ్గరుండి మరి అన్ని విషయాలను చూసుకుంటున్నారట. ఇక పుష్ప కంటే పుష్ప 2 సినిమాను చాలా గొప్పగా తెరకెక్కించాలని ప్రయత్నం చేస్తున్నారట. ఇందులో భాగంగానే లేడీ పవర్ స్టార్ సాయి పల్లవిని కూడా ఈ సినిమాలో నటింప చేస్తున్నారని వార్తలు బాగా వైరల్ అయ్యాయి. ఇక మన్యంబిడ్డగా సాయి పల్లవిని చూపించబోతున్నారు అంటూ కథనాలు వెలువడ్డాయి. కానీ ఇందులో ఏమాత్రం నిజం లేదు అని క్లారిటీ వచ్చింది. ఇటీవల చిత్ర బృందం మీడియాతో మాట్లాడుతూ.. సాయి పల్లవి నటించడం లేదు అంటూ క్లారిటీ ఇచ్చారు. అవన్నీ కేవలం రూమర్స్ మాత్రమే అని తెలిపారు.
ఇక ప్రస్తుతం సాయి పల్లవి సినిమాల విషయానికి వస్తే.. ఆమె ఇటీవల నటించినా గార్గి, చిన్ని వంటి సినిమాలు ప్రేక్షకుల ముందుకు వచ్చాయి. ఇక ఈమె ఎక్కువగా ప్రాధాన్యత ఉన్న పాత్రలు మాత్రమే సెలెక్ట్ చేసుకుంటూ నటిస్తోంది. ఇక కోట్లు కుమ్మరించినా సరే పాత్ర నచ్చకపోతే స్టార్ హీరోల ముఖంపైనే నో అని చెప్పడానికి కూడా సిద్ధంగా ఉంటుంది ఈ ముద్దుగుమ్మ.
