నందమూరి తారకరత్న మరణంతో ఆ కుటుంబంలో తీవ్ర విషాదం నెలకొంది. దాదాపు 23 రోజులుగా చికిత్స పొందుతూ ప్రాణాలతో పోరాడుతూ చివరకు శనివారం రాత్రి కన్నుమూశాడు. తారక్ మరణం టాలీవుడ్లోనూ తీవ్ర విషాదం నింపింది. సినీ ప్రముఖులు తారక్ మరణం పట్ల దిగ్భ్రాంతి వ్యక్తం చేస్తూ.. ఆయనతో ఉన్న అనుబంధాన్ని గుర్తు చేసుకుంటున్నారు.
తారకరత్న మరణంతో ఆయన చివరి సినిమా ఏంటి.. లేటెస్ట్గా వస్తున్న ప్రాజెక్టులేంటి అనే దానిపై అభిమానులు ఆరా తీస్తున్నారు. ఈ క్రమంలో ఓ ఆసక్తికర విషయం వెలుగులోకి వచ్చింది. అదేంటంటే బాలకృష్ణ-అనిల్ రావిపూడి కాంబోలో తెరకెక్కుతున్న సినిమాలో ఓ కీలకపాత్ర కోసం తారకరత్నను చిత్రబృందం ఫిక్స్‌ చేశారట. ఈ సినిమాతో తారకరత్న దశ తిరుగుతుంది అనుకుంటున్న సమయంలో ఇలా తిరిగిరాని లోకాలకు వెళ్లిపోయాడు. తారకరత్న 20ఏళ్లకే ఇండస్ట్రీలోకి ఎంట్రీ ఇచ్చాడు. హిట్లు, ఫ్లాపులతో సంబంధంలేకుండా వరుసగా సినిమాలు చేస్తూ వచ్చాడు. హీరో కంటే విలన్గానే తారక్ ఎక్కువ గుర్తింపు పొందాడు.
