చిత్రసీమలో ఎలాంటి కాంబినేషన్లో సినిమా కుదరుతుందో చెప్పలేము. ఒకప్పుడైతే ఓ భాషలోని స్టార్ హీరోలు, అక్కడి టాప్ డైరెక్టర్స్తో కలిసి ఎక్కువగా సినిమాలు చేసేవాళ్లు. కొంతమంది మాత్రమే ఎక్స్పెరిమెంట్లు చేసేవారు. అయితే ఇప్పుడు పాన్‌ ఇండియా ట్రెండ్‌ ఎక్కువ అవ్వడం వల్ల భిన్నమైన కలయికల్లో సినిమాలు రూపొందుతున్నాయి. మన డైరెక్టర్స్ పొరుగు భాషల్లోని కథనాయకులతో, అక్కడి డైరెక్టర్స్ మన హీరోలతో జట్టు కడుతున్నారు. అలా వాళ్లతో వీళ్లు.. వీళ్లతో వాళ్లు కలుస్తూ సరికొత్త కలయికలకు తెర తీస్తున్నారు. ఈ క్రమంలోనే గత కొంతకాలంగా ఎక్కువగా తమిళ దర్శకులు, మన హీరోలతో కలిసి పని చేస్తున్న సంగతి తెలిసిందే. కానీ ఎన్నో అంచనాలతో విడుదలైన ఆ కాంబోలు నిరాశపరుస్తున్నాయి. అక్కడ డైరెక్టర్లు మన తెలుగు స్టార్లకు వరుస షాకులు ఇస్తున్నారు.
తాజాగా అక్కినేని నాగచైతన్య.. కోలీవుడ్ డైరెక్టర్ వెంకట్ ప్రభుతో కలిసి చేసిన కస్టడీ మే 12న థియేర్లలో రిలీజై మిక్స్డ్ టాక్ తెచ్చుకుంది. బాక్సాఫీస్ వద్ద ఆశించిన స్థాయిలో వసూళ్లను సాధించలేకపోయింది.
గతేడాది హీరో రామ్ పోతినేని.. తమిళ దర్శకుడు లింగుస్వామితో చేసిన ‘ది వారియర్’ డిజాస్టర్గా నిలిచింది. ఇందులో కృతిశెట్టి హీరోయిన్ గా నటించింది..
హీరో సందీప్ కిషన్.. కోలీవుడ్ డైరెక్టర్ రంజిత్ కాంబోలో వచ్చిన ‘మైఖేల్’ కూడా అంతే. గౌతమ్ మేనన్, విజయ్ సేతుపతి, వరలక్ష్మీ శరత్కుమార్ వంటి స్టార్లు నటించినా సినిమాకు ఫలితం లేదు.
హీరో శర్వాంద్, శ్రీ కార్తిక్ కలిసి చేసిన ఒకే ఒక జీవితం మూవీ కూడా ఆశించిన స్థాయిలో టాక్ తెచ్చుకోలేదు. టైమ్ ట్రావెల్ నేపథ్యంలో వచ్చిందీ సినిమా బాక్స్ ఆఫీస్ వద్ద బోల్తా కొట్టింది.
కొన్నేళ్ల కిందట టాలీవుడ్ స్టార్ హీరో సూపర్ స్టార్ మహేశ్ బాబు.. తమిళ డైరెక్టర్ మురుగదాస్‌ దర్శకత్వంలో ‘స్పైడర్’ చేశారు. అది బాక్సాఫీస్ వద్ద డిజాస్టర్గా నిలిచి మహేష్ అభిమానులకు నిరాశ మిగిల్చింది.
టాలీవుడ్ రౌడీ హీరో విజయ్ దేవరకొండ.. తమిళ దర్శకుడు ఆనంద్ శంకర్‌తో ‘నోటా’ చేయగా అది కూడా ఫ్లాప్గా నిలిచింది. భారీ అంచనాల మధ్య విడుదలైనప్పటికీ ఈ సినిమా అట్టర్ ఫ్లాప్ అయ్యింది.
గతంలో విక్టరీ వెంకటేశ్ నాగవల్లి, పవన్ కల్యాణ్ పంజా, కొమరం పులి, బంగారం, రామ్ పోతినేని గణేశ్, ప్రభాస్ రెబల్ ఎన్నో చిత్రాలు బోల్తా కొట్టాయి.
