హైదరాబాద్ – విజయవాడ జాతీయ రహదారి వాహనాలతో కిక్కిరిసిపోయింది. పండుగ నేపథ్యంలో జనాలు తమ పిల్లలను తీసుకొని పట్నం వదిలి పల్లె బాట పడుతున్నారు. ఈ క్రమంలో సోమవారం జాతీయ రహదారి రద్దీగా మారింది. వాహనాలు బారులు తీరాయి. రాష్ట్రంలో సాధారణ ఉష్ణోగ్రత నమోదు అవుతుండటంతో రహదారిపై దట్టమైన పొగమంచు ఏర్పడింది. దీంతో వాహనదారులు నెమ్మదిగా వెళుతున్నారు. నేడు, రేపు రద్దీ పెరిగే అవకాశం ఉంది.
