యాక్.. అంటారా? ఆమె మనిషా లేక మృగమా అంటారా? కలికాలం బాస్.. ఏం చేస్తాం. రోజులు అలా ఉన్నాయి మరి. మాజీ ప్రియుడి మీద ఎంత కసి ఉండకపోతే ముక్కలుగా నరికి కూరొండుతుంది చెప్పండి. కాస్త వివరంగా చెప్పుకుందాం పదండి..
యూఏఈలోని అజ్మాన్‌లో ఈ ఘటన చోటు చేసుకున్నది. మొరాకోకు చెందిన ఓ యువతికి, తన ప్రియుడికి పడలేదు. ఇద్దరూ విడిపోయారు. తనను వాడుకొని, డబ్బులు తీసుకొని పట్టించుకోవడం లేదన్న కోపంతో ఆ యువతి ఈ దారుణానికి ఒడిగట్టింది. ప్రియుడిని చంపి ముక్కలు ముక్కలుగా కట్ చేసింది. సేమ్.. చికెన్, మటన్ పీసుల్లా కట్ చేసింది. కమ్మని కూరలా వండింది. అనంతరం తన ఇంటికి సమీపంలో ఓ బిల్డింగ్ నిర్మిస్తున్న కూలీలకు ఆ కూరను వడ్డించింది. మిగిలిన బొక్కలను, మాంసాన్ని కుక్కలను వేసింది. ఎటువంటి ఆధారాలు లేకుండా చేసింది.. కానీ..
తన సోదరుడు కనిపించడం లేదని ఆ యువతి వద్దకు వెళ్లాడు ఆ వ్యక్తి తమ్ముడు. తనకు తెలియదని ఆ యువతి బొంకపోయింది. తనకు తెలియదని నమ్మబలికింది. కానీ.. ఆ యువతి మీదే అనుమానంతో మృతుడి తమ్ముడు పోలీస్ కంప్లయింట్ ఇచ్చాడు. దీంతో పోలీసులు తీగ లాగడంతో అసలు కథ బయటికి వచ్చింది. నిందితురాలి ఇంట్లో ఓ పొడిని స్వాధీనం చేసుకున్న పోలీసులు.. దానికి పరీక్షలు నిర్వహించగా.. అది మృతుడి డీఎన్‌ఏతో సరితూగింది. దీంతో అసలు విషయం బయటపడింది. అతడిని ఎలా చంపి కూరొండిందో.. పూసగుచ్చినట్టు పోలీసులకు వెల్లడించింది యువతి.
