ఈరోజుల్లో పెళ్లి అనేది అమ్మాయిలకు, అబ్బాయిలకు ఇద్దరికి పెద్ద తలనొప్పిగా మారింది. ఎవరూ పెళ్లి చేసుకోవడానికి సిద్ధంగా లేరు. లవ్‌ మ్యారేజ్‌లు అయితే అవుతున్నాయి కానీ, అరేంజ్‌ మ్యారేజ్‌ అంటే.. చాలా మంది తప్పక చేసుకుంటున్నారు. అయితే ఒక ఊర్లో పెళ్లీడుకు వచ్చినా పెళ్లి కానీ వాళ్లు ఐదో పదో ఉంటారు. కానీ ఆ గ్రామం మొత్తం పెళ్లి కానీ ప్రసాదులే. 50 ఏళ్లు అవుతుందట.. ఆ గ్రామంలో పెళ్లి జరిగి. ఇంతకీ ఈ గ్రామం ఎక్కడ ఉందంటే..
పాట్నాకు 300 కిలోమీటర్ల దూరంలోని కైమూర్ జిల్లాలోని తహసీల్ అధౌరాలోని బర్వాన్ కాలా గ్రామం ఉంది. దీనిని బ్రహ్మచారుల నగరం అంటారు. ఇక్కడ మంగళ వాయిద్యం వినిపించి చాలా ఏళ్లు గడిచాయి. ఇక్కడ అబ్బాయిలకు బ్రహ్మచర్య నియమం ఏం లేదు. అయినా ఇక్కడి కుర్రాళ్లకు పెళ్లిళ్లు అవడం లేదు. పెళ్లి చేసుకోవడానికి అమ్మాయిలు లేరు. ఇక్కడ దాదాపు 121 మంది పురుషులు ఇప్పటికీ అవివాహితులుగా ఉన్నారు.
చుట్టుపక్కల పట్టణాల్లోని అమ్మాయిలు ఈ పట్టణ అబ్బాయిని పెళ్లి చేసుకోవడానికి వెనుకాడతారు. దాదాపు 50 ఏళ్లుగా ఎలాంటి పెళ్లి జరగలేదు. 2017లో ఇక్కడ పెళ్లి జరిగినట్లు సమాచారం. అది కూడా ఈ గ్రామంలో కాదు. పెళ్లికి ముందు అబ్బాయి ఊరు విడిచి వెళ్లాలి. అతిథి గృహంలో బస చేయాలి. ఎందుకంటే ఈ గ్రామంలో పెళ్లికి అవసరమైన సౌకర్యాలు లేవు. 2017 తర్వాత ఇక్కడ అలాంటి పెళ్లి కూడా జరగలేదు.
ఈ ఊరి అబ్బాయిలు పెళ్లి చేసుకోకపోవడానికి చాలా కారణాలున్నాయి. ఈ గ్రామం బీహార్‌లో వెనుకబడిన మరియు పెళ్లికాని గ్రామంగా పరిగణించబడుతుంది. దేశం ఇంత అభివృద్ధి చెందినా సరైన మౌలిక సదుపాయాలు లేని ప్రాంతం. ఈ గ్రామంలో సరైన రోడ్డు వ్యవస్థ లేదు. గ్రామానికి వెళ్లాలంటే 2 కి.మీ కాలినడకన వెళ్లాల్సి రావడంతో ఇక్కడికి రావాలంటే చాలా కష్టపడాల్సి వస్తోంది. సరైన పాఠశాల లేదు, విద్యా వ్యవస్థ సరిగా లేదు. ఇక్కడి ప్రజల ఆర్థిక పరిస్థితి చాలా తక్కువ. ఇక్కడ సరైన తాగునీటి వ్యవస్థ లేదు. ఇక్కడి ప్రజలు నీటి కోసం 1.5 కిలోమీటర్లు నడిచి వెళ్లాల్సి వస్తోంది. పోలీస్ స్టేషన్ గ్రామం నుండి 45 కి.మీ. ఈ కారణాల వల్ల ఇక్కడ అబ్బాయిలు పెళ్లి చేసుకోవడం లేదు.
ఇలాంటి వెనుకబడిన గ్రామాలను గుర్తించి మౌలిక వసతులు కల్పించడం ప్రభుత్వ బాధ్యత. అయితే బీహార్ ప్రభుత్వం ఈ విషయాన్ని మరిచిపోయినట్లుంది. ప్రజలకు అవగాహన కల్పించడం, మౌలిక వసతులు కల్పించడం వంటి పనులేవీ చేయడం లేదు.
