చ‌ల్ల చల్ల‌ని స్ట్రాబెర్రీ ఫ‌లూదా.. ఇలా చేయండి..!

మండు వేస‌విలో చ‌ల్ల చ‌ల్ల‌ని పానీయాల‌ను సేవిస్తే వ‌చ్చే మ‌జాయే వేరు. ముఖ్యంగా ఈ సీజన్‌లో ఫ‌లూదా మన‌కు ఎక్కువ‌గా ల‌భిస్తుంది. అయితే ఇందులో అనేక ర‌కాలు ఉన్నాయి. వాటిలో స్ట్రాబెర్రీ ఫలూదా చ‌క్క‌ని రుచిని, పోష‌కాలను కూడా ఇస్తుంది. ఈ క్ర‌మంలోనే స్ట్రాబెర్రీ ఫ‌లూదాను ఎలా త‌యారు చేయాలో, అందుకు కావ‌ల్సిన ప‌దార్థాలు ఏమిటో ఇప్పుడు తెలుసుకుందాం.

స్ట్రాబెర్రీ ఫ‌లూదా త‌యారీకి కావ‌ల్సిన ప‌దార్థాలు:

రోజ్ సిర‌ప్ – 1/2 టీస్పూన్
నాన‌బెట్టిన స‌బ్జా గింజ‌లు – 1 టీస్పూన్
స‌గం ఉడికించిన ఫ‌లూదా సేవ్ – 1 టీస్పూన్
స్ట్రాబెర్రీ క్ర‌ష్ – 1 టీస్పూన్
చ‌ల్ల‌ని పాలు – 1 క‌ప్పు
వెనిల్లా ఐస్‌క్రీం – 1 స్కూప్

స్ట్రాబెర్రీ ఫ‌లూదా త‌యారు చేసే విధానం:

ఒక గ్లాస్‌లో రోజ్ సిర‌ప్‌ని తీసుకోవాలి. అందులో స‌బ్జా గింజ‌లు, ఫలూదా సేవ్‌, స్ట్రాబెర్రీ క్ర‌ష్‌ని ఒక‌దానిపై ఒక‌టి వేయాలి. ఇవ‌న్నీ క‌ల‌వ‌కుండా నెమ్మ‌దిగా పాలు పోయాలి. అనంత‌రం పైన ఐస్‌క్రీం వేయాలి. కావాలనుకుంటే ఈ మిశ్ర‌మాన్ని ఫ్రిజ్‌లో పెట్టి తీసుకోవ‌చ్చు. లేదా అలాగే తీసుకున్నా బాగుంటుంది. అయితే స్ట్రాబెర్రీ రుచి మ‌రింత ఎక్కువ కావాలంటే స్ట్రాబెర్రీ క్ర‌ష్‌ని కొంచెం ఎక్కువగా వేసుకోవాలి. దీంతో చ‌ల్ల చ‌ల్ల‌ని స్ట్రాబెర్రీ ఫ‌లూదా రుచిని ఆస్వాదించ‌వ‌చ్చు..!