హాట్ బ్యూటీ నేహా శర్మ రోజు రోజుకీ హీటు పెంచుతోంది. కుర్రకారు గుండెల్లో గుబులు పుటిస్తోంది. అందాల ఆరబోతతో కిక్కెక్కిస్తోంది. గత కొద్ది రోజులుగా నేహా శర్మ ఘాటు ఘాటుగా ఫొటో షూట్స్ చేస్తూ వాటిల్లో టూ పీస్ బికినీలతో పిచ్చెక్కించేలా పోజులు ఇస్తోంది.
నేహా శర్మ మ్యాగ్జిమ్ మ్యాగజైన్‌కు ఇచ్చిన హాట్ ఫొటోషూట్ ప్రస్తుతం యూట్యూబ్‌లో వైరల్ అవుతోంది. గతంలో ఎన్నడూ చేయని విధంగా ఈ అమ్మడు అందాలను ఆరబోస్తుండడంతో నెటిజన్లు షాక్‌కు గురవుతున్నారు. ఈమెకు చెందిన ఫొటోషూట్ వీడియోలతోపాటు ఫొటో గ్యాలరీను కూడా పెద్ద ఎత్తున నెటిజన్లు వీక్షిస్తున్నారు. కొన్ని లక్షల లైక్‌లు వీటికి వస్తుండడం విశేషం.
నేహా శర్మ రాంచరణ్ తేజతో టాలీవుడ్ తెరకు పరిచయం అయింది. తరువాత కుర్రాడు చిత్రంలో నటించింది. కానీ ఆ చిత్రాలు ఏవీ నేహా శర్మకు బ్రేక్ ఇవ్వలేదు. దీంతో ఆమె బాలీవుడ్‌లో తన అదృష్టాన్ని పరీక్షించుకుంటానికి వెళ్లింది. ఇక రీసెంట్‌గా ఆమె చేస్తున్న హాట్ ఫొటో షూట్‌లు చూస్తుంటే ఈ అమ్మడు కచ్చితంగా బాలీవుడ్ ఇండస్ట్రీలో బాగా అవకాశాలు దక్కించుకోవచ్చని తెలుస్తోంది. ప్రస్తుతం ఈమెకు ఇన్‌స్టాగ్రాంలోనే దాదాపుగా 4.8 మిలియన్ల మంది ఫాలోవర్లు ఉన్నారు. దీంతో ఈమెకు అభిమానులను ఆకట్టుకోవడం పెద్ద కష్టం కాదనిపిస్తోంది. ప్రస్తుతం ఈమె హేరా ఫెరి 3 అనే హిందీ చిత్రంలో నటిస్తోంది. మరి ఈ చిత్రమైనా ఈమెకు పేరు తెస్తుందా, లేదా అన్నది వేచి చూస్తే తెలుస్తుంది.
