మధుమేహం ఈరోజుల్లో అందరికీ ఉంటుంది. వయసుతో సంబంధం లేకుండా స్త్రీ, పురుషులు ఇద్దరికీ ఈ వ్యాధి వస్తోంది. మధుమేహం లక్షణాలు చాలా సాధారణంగా ఉంటాయి. ముఖ్యంగా జీవనశైలి అస్తవ్యస్థంగా ఉంటే ఈ రోగం బారిన పడక తప్పదు. అదే జీవనశైలిలో మార్పులు చేసుకుంటే మధుమేహం కంట్రోల్‌ అవుతుంది. అయితే మధుమేహం వచ్చాక లక్షణాలు ఎలా ఉంటాయో అందరికీ తెలుసు..కానీ మధుమేహం వచ్చేముందు లక్షణాలు ఎలా ఉంటాయా చాలా కొంతమందికే తెలుసు.. మీరు అప్పుడే జాగ్రత్త పడితే.. అస్సలు రాకుండానే తప్పించుకోవచ్చు. అవేంటో చూద్దాం..!
చర్మంపై ముదురు మరియు మందపాటి మచ్చలు మధుమేహానికి సంకేతం. ముఖ్యంగా ముఖం, మెడపై నలుపు రంగు మధుమేహానికి సంకేతం. శరీరంలో ఇన్సులిన్ అధికంగా పేరుకుపోతోందనడానికి ఇవే నిదర్శనం. అదేవిధంగా, ఈ మచ్చలు సాధారణంగా మెడ, చంకలు, గజ్జలు మరియు రొమ్ముల క్రింద శరీరం యొక్క మడతలలో కనిపిస్తాయి. అలాగే, చర్మంపై చిన్న, పసుపు-ఎరుపు గడ్డలు లేదా పుండ్లు కూడా మధుమేహం వల్ల సంభవించవచ్చు. కొందరిలో మధుమేహం వల్ల చర్మం పొడిబారుతుంది.
పాదాలలో తిమ్మిరి, పాదాలలో నొప్పి, పాదాలలో నిరంతరం అసౌకర్యం, పాదాలపై గాయం మానడానికి సమయం తీసుకోవడం మధుమేహం లక్షణాలు కావచ్చు. ఇది పాదాలపై మరియు కాలి మధ్య దురద, ఎరుపును కూడా కలిగిస్తుంది. కళ్ల చుట్టూ పసుపు రంగులో ఉండే కొవ్వు కూడా కొన్నిసార్లు మధుమేహానికి సంకేతం కావచ్చు. అదేవిధంగా మధుమేహం వల్ల కూడా కంటిచూపు సమస్యలు తలెత్తుతాయి. కొందరిలో మధుమేహం వల్ల కూడా వినికిడి సమస్యలు రావచ్చు.
తరచుగా మూత్రవిసర్జన, అధిక దాహం మరియు ఆకలి, అలసట మరియు బలహీనత, అసాధారణంగా బరువు తగ్గడం, మానసిక సమస్యలు, గాయాలను నయం చేయడానికి సమయం తీసుకోవడం, తరచుగా ఇన్ఫెక్షన్లు ఇవన్నీ మధుమేహం వచ్చేశాక కనిపించే లక్షణాలు..ఇవి వచ్చాక కూడా మీరు అశ్రద్ధ చేస్తే.. మధుమేహం ఇంకా ముదురుతుంది.
